Reseıdiń Ijevsk qalasynda ornalasqan mektepte atys boldy. Oqıǵa saldarynan bilim berý mekemesiniń kúzetshisi qaza tapty, dep habarlaıdy Egemen.kz 5-tv.ru saıtyna silteme jasap.
Atys sabaq ýaqytynda bastalǵan. Synypqa qara kıimdegi er azamat kirip, oq atqan. Sol ýaqytta mektep dırektory jaralanǵan jetkinshektiń bireýin alyp kabınetke jasyrynyp úlgergen.
Atalǵan jaǵdaı jaıly aqparattar jınaqtalýda. Oqıǵa ornynda arnaıy mamandar jumys istep jatyr.
Mash-telegram arnasynyń aqparatyna súıensek, atys saldarynan 9 oqýshy zardap shekken. Balalar atylǵan oqtan aman qalý úshin joǵarǵy qabattardan sekirgen. Jeti jasar alty oqýshy aýrýhanaǵa jetkizildi. Olardyń ekeýi aýyr jaraqat alǵan, al tórt oqýshynyń jaǵdaıy ortasha. Bul balalardyń atys saldarynan jaraqat alǵany, álde joǵarǵy qabattan sekirgennen jaraqattanǵany ázirge belgisiz.
Gúlim Sadyrbek