QR Prezıdenti Qasym-Jomart Toqaev Ijevsk qalasyndaǵy mektepke jasalǵan shabýyl saldarynan adamdardyń qaza tabýyna baılanysty Vladımır Pýtınge kóńil aıtty, dep habarlaıdy Egemen.kz Prezıdenttiń baspasóz qyzmetine silteme jasap.
«Reseı Federasııasynyń Ijevsk qalasyndaǵy №88 mektepke jasalǵan qarýly shabýyl saldarynan azamattardyń, sonyń ishinde balalardyń qaza tabýy týraly qaıǵyly habardy aýyr kúızelispen qabyldadym. Orny tolmas qaıǵyǵa ortaqtasa otyryp, Sizge jáne qaıtys bolǵandardyń týǵan-týystary men jaqyndaryna kóńil aıtamyn. Sondaı-aq barlyq zardap shekkenderdiń tezirek saýyǵyp ketýine tilektestik bildiremin», delingen jedelhatta.
Eske sala ketsek, búgin Ijevsk mektebine qarýly adam kirip, atys uıymdastyrǵan.
Jantúrshigerlik oqıǵada 13 adam qaıtys boldy, onyń jeteýi - kámelet jasyna tolmaǵan balalar. Sondaı-aq 14 bala jáne 7 eresek adam jaraqat alǵan.