Endi qazaqstandyq avtokólikterdiń nómirlik belgilerinde arnaıy QR-kod bolýǵa tıis. Sol arqyly nómirlik belginiń jalǵan-shyny tekseriledi. Bul týraly Qazaqstan standarttaý jáne metrologııa ınstıtýty habarlady.
Bıyl elimizde 1 qyrkúıekten bastap QR ST 986-2022 ulttyq standarty qoldanysqa engizildi. Onda jalǵandyqtan qorǵaý úshin qajetti arnaıy jáne qosymsha elementteri bolýǵa tıis nómirlik belgiler men oǵan arnalǵan blankilerge qoıylatyn talaptar jazylǵan. Ishki ister mınıstrliginiń «Aqparattyq-óndiristik ortalyǵy» daıyndaǵan standart memlekettik tirkeý belgilerindegi qaripterge, sandarǵa jáne qorǵaý elementterine qoıylatyn tehnıkalyq talaptardy birizdendirýdi qamtamasyz etedi.
Mamandardyń aıtýynsha, polısııa qyzmetkerleri nómirlerdiń túpnusqa ekenin teksere alatyn biregeı DMC-kodtaryn qoldaný qosymsha qaýipsizdik elementterine jatqyzylǵan. Arnaıy qorǵanys elementterin nómirdiń betinen hımııalyq jolmen nemese fızıkalyq áser etý arqyly alyp tastaýǵa bolmaıdy jáne ol nómirde saqtalýǵa tıis.
Aıta keteıik, mundaı arnaıy standartty engizý ónim óndirý baǵasynyń ózgerýine, sondaı-aq memlekettik bıýdjetten qosymsha shyǵyndarǵa ákep soqpaıdy.