Dzıýdo. Osy kúnderi dzıýdodan Polshanyń Belsko-Bıala qalasynda kadetter arasynda Eýropa kýbogy jolyndaǵy jarys ótýde.
Oǵan Qazaqstan quramasy da qatysýda. Bizdiń dzıýdoshylar beldesýlerdiń alǵashqy kúni 5 medaldi jeńip aldy.
Jarysta qyzdar arasynda Aqmaral Naýatbek (40 kg), erler arasynda Madııar Sembaev (66 kg) jeńimpaz atandy. Qola medaldi Maǵjan Shamshadın (55 kg), Gúldana Murat (44 kg) pen Anar Asylhanova (52 kg) ıelendi.
Kıokýshınkaı-kan karate. Jaqynda Bolgarııanyń Varna qalasynda karateniń osy túriniń 50 jyldyǵyna arnalǵan erler men áıelder, jasóspirimder jáne ardagerler arasynda Eýropa chempıonaty ótti.
Onda bizdiń quramadan Temirlan Jánibek altyn júldeni jeńip aldy. Taǵy tórt karateshimiz Álisher Kármenov, Meıram Bımjanov, Borıs Aksenov pen Nurlyhan Sádýaqasov qola júldeni ıelendi.
Fýtbol. Demalys kúnderi elimizdiń 6 qalasynda Qazaqstannyń premer-lıgasynyń 12-týry ótti.
Osy týrda eki iri esep tirkeldi. «Aqtóbe» óz alańynda Qaraǵandynyń «Shahterin» qabyldap, 4:0 esebimen utsa, Pavlodardyń «Ertisi» Semeıdiń «Spartagyn» 5:0 esebimen jeńdi. «Qaırat» Almatyda Taldyqorǵannyń «Jetisý» klýbynan aılasyn asyrdy. Esep – 2:1. Al Tarazǵa qonaqqa barǵan Qyzylordanyń «Qaısary» jergilikti komandany 1:0 esebimen utty.
Basqa eki oıyn teń eseppen aıaqtaldy. «Astana» – «Ordabasy» kezdesýinde esep 1:1bolsa, Qostanaıda «Tobyl» men «Atyraý» komandalarynyń arasynda ótken matchta esep ashylmady.
Prezıdenttik synama. Senbi kúni Astanada Sport jáne deneshynyqtyrý isteri agenttiginiń uıymdastyrýymen memlekettik qyzmetkerler arasynda prezıdenttik synamany tapsyrýǵa arnalǵan jarystar bastaldy.
Bul synnyń birinshi kezeńi 17-18 mamyr kúnderi ótse, ekinshisi 24-25 mamyrda ótedi. Sport jáne dene shynyqtyrý isteri agenttigi tóraǵasynyń orynbasary Sársen Quranbektiń aıtýynsha, oǵan 9 memlekettik organnyń jáne 5 agenttikke baǵynyshty kásiporyn, mekemelerdiń 470-ke jýyq qyzmetkeri qatysýda.
– Prezıdenttik synama tapsyrý erikti túrde ótkiziledi. Onyń basty maqsaty halyqtyń boıynda salamatty ómir saltyn qalyptastyrý, azamattardyń dene daıyndyǵyn anyqtaý, – deıdi S.Quranbek.
Osy synnyń birinshi kezeńinde 60, 100, 500, 1000, 2000, 3000 metrge júgirý men uzyndyqqa sekirýden jarystar ótse, ekinshi kezeńde pnevmatıkalyq vıntovkadan atý, týrnıkke tartylý men júzýden saıystar ótedi.
«Egemen-aqparat».
Qazaqstandyq bylǵary qolǵap sheberi Ivan Dychko álem chempıonatynan keıin rıngke qaıta oralyp, О́zbekstannyń Tashkent qalasynda ótken Sıdneı Djaksondy eske alýǵa arnalǵan halyqaralyq týrnırdiń jeńimpazy atandy.