Gamarjoba, Grýzııa!

Bolgarııa, Soltústik Make­donııa jáne Gıbraltar sekildi myqty quramalarmen bir topta synǵa túsken Grýzııa alty týrda 16 upaı jınap, týrnır kestesinde jeke-dara kósh bastady. Ekinshi orynǵa 9 upaıy bar Bolgarııa quramasy ıe bolsa, Soltústik Makedonııa úshinshi orynmen

(7 upaı) lıgadaǵy ornyn saqtap qaldy. Al bir upaımen kósh sońynda qalyp qoıǵan Gıbraltar «S» dıvızıonda qalý úshin elek­tik match ótkizedi. Grýzııa fýtbolshylary alty týrdyń beseýinde qarsylastarynan basym tússe, tek bir kezdesýinde ǵana upaı bólisti.

Qazaqstan men Grýzııa bú­ginge deıin jasyl alańda tórt márte resmı match ótkizgen. О́ki­­nish­ke qaraı, sonyń úsheýinde jer­lesterimiz je­ńilis­tiń ker­­­mek dámin tatýǵa májbúr bol­dy. Bir kez­desýde qar­sy­las­ta­­rymyzben teń tústik. Eń al­ǵash eki eldiń fýt­bol­shy­lary 2005 jyly álem chem­pıo­natynyń irikteý ke­­zeńinde kez­­desti. Almatyda ót­ken al­ǵashqy matchta qonaqtar 1:2 ese­­bimen jeńiske jetti. Kez­­desý­­diń esebin 23-mınýtta Da­nııar Kenjehanov ashqanymen, ekinshi taımda grýzııalyq fýt­bol­shylar eki gol soǵyp, tarazy ba­syn ózderine aýdardy. Al Grý­­zııada ótken qarymta matchta esep ashylǵan joq – 0:0.

Keıinnen eki quramanyń joly 2018 jylǵy Ulttar lıgasynyń alǵashqy maýsymynda qaıta túıis­ti. Astanadaǵy alǵashqy match­ta jerlesterimiz qonaqtarǵa 0:2 esebimen jol berdi. 69-mınýtta Gıorgı Chakve­tadze esep ashsa, arada bes mınýt ótkende Sergeı Malyı baı­qaý­syzda óz qaqpamyzǵa gol soǵyp aldy. Syrt alańdaǵy ja­ýapty matchta da Grýzııa fýt­bolshylarynyń mereıi ústem bol­dy – 2:1. Gıor­gı Chakvetadze men Georgıı Me­rebashvılıdiń golda­ryna 90-mınýtta Oralhan О́mir­taev bir golmen jaýap qaıtar­dy.

Budan bólek, quramalar eki márte joldastyq match ótkizdi. 2013 jylǵy kezdesýde Qazaqstan 1:0 ese­bimen jeńiske jetse, 2016 jylǵy básekede teń esep tirkeldi – 1:1.

Endi, mine, eki el arasyndaǵy jetinshi kezdesý 2024 jyldyń naýryzynda Tbılısıde ótedi. «S» dıvızıonynyń birinshi pleı-off matchynda Qazaqstan men Grýzııa, ekinshisinde Túrkııa men Grekııa quramalary synǵa túsedi. Sóıtip úzdik shyqqan eki qurama fınalda kezdesip, jalǵyz joldamany sarapqa salady. Eger, Qazaqstan ulttyq quramasy osy eki matchta da qarsylastarynan basym túsetin bolsa, onda 2024 jyly Germanııada ótetin kári qurlyq birinshiligine tikeleı jol­dama alady.

Jalpy, ÝEFA erejesi bo­ıyn­sha, Ulttar lıgasynan úsh qurama Eýropa chempıonatyna joldama ala alady. Buǵan deıin Eýro-2020-da 4 komandaǵa múmkindik bergen. Osy joly úsh kvota bólip otyr. Iаǵnı A, V, S dı­vızıondarynyń úzdikteri Germanııa jasyl alańdarynda dop tebedi. Bıylǵy týrnırde «A» lıgasynda Horvatııa, Ispanııa, Italııa jáne Nıderland qura­ma­lary úzdik shyqsa, «V» lıgasynda Shotlandııa, Izraıl, Bosnııa jáne Gersegovına men Serbııa quramalary birinshi oryndy ıelendi.

Sondaı-aq 9 qazanda Germa­nııanyń Frankfýrt qalasynda Eýropa birinshiligi irikteý keze­ńiniń jerebesi tartylady. Ke­lesi jyldyń naýryz jáne qa­rasha ara­lyǵynda ótetin irikteý saıystarynda jeńimpaz atanǵan qurama men ekinshi orynǵa ıe bolǵandar Eýropa chempıonatyna tikeleı joldama alady. Olarǵa Ulttar lıgasy arqyly joldamaǵa qol jetkizgen úsh qurama qosylady. Eger Ulttar lıgasynyń pleı-off kezeńine shyqqan quramalar irikteý ke­zeńderinde joldamaǵa ıelik etse, onda ol topta reıtıngte ke­lesi turǵan komanda pleı-offqa qa­tysady.