Saıası doda bastaldy

Amanat partııasynyń tór­aǵasy Erlan Qoshanov kezekten tys XXIV cezi 6 qazanda Astana qalasynda ótkizý týraly Qaýlyǵa qol qoıdy. Sezd jumysyna elimizdiń barlyq aı­maǵynan delegattar qatysady. Ortalyq apparat óńirlik fılıal­darmen birge daıyndyq sharalaryn qolǵa aldy.

Sondaı-aq «Aq jol» par­tııasy Ulttyq keńesiniń tóral­qasy bıyl 6 qazanda par­tııanyń quryltaıyn shaqyrý týraly sheshim qabyldady. Jıyn barysynda partııa tóraǵasy Azat Perýashev, tóraǵa orynbasarlary Qazybek Isa bastaǵan birqatar depýtat sóz sóıledi. Sonymen qatar 5 qazanda partııa Ulttyq keńesiniń Plenýmyn ótkizip, quryltaıdyń kún tártibi boıynsha usynystaryn talqylaý josparlandy.

Partııanyń ortalyq apparatyna oblystar men Astana, Almaty, Shymkent qala­laryn­daǵy «Aq jol» QDP fılıaldarynan delegattardyń sezde ókildik etý normasy boıynsha usynystar engizý tapsyryldy. Atalǵan fılıaldar bir apta ishinde oblystyq, qalalyq konferensııalar ótkizip, quryltaı delegattaryn saılaýy kerek. Al 6 qazandaǵy jıynda «Aq jol» demokratııalyq partııasy­nyń atynan prezıdenttik saılaý­ǵa kim túsetini týraly sheshim qabyldanady.

Budan bólek, Parlament­te fraksııasy bar Qazaqstan Halyq partııasynyń Bıýrosy da 2022 jylǵy 6 qazanda Astana qalasynda partııanyń

kezekten tys XXI sezin ótkizý týraly sheshim qabyldady. Sezd jumysyna elimizdiń barlyq óńirinen delegattar qaty­sady. Ortalyq apparat partııa fılıaldarymen birlesip, sezge daıyndyq sharasyna kiristi.

Búginde Amanat-tyń el aýmaǵyndaǵy 4 myńnan astam bastaýysh partııa uıymynyń músheleri partııanyń jańa Saıası tuǵyrnamasynyń jobasyn tal­qylap jatyr. Sondaı-aq BPU otyrystarynda partııanyń aýmaq­tyq fılıaldarynyń konferen­sııalaryna qatysatyn delegattar saılanady.

Máselen, partııa uıymy­nyń jına­lysynda sóz sóılegen Alma­tydaǵy №4 qalalyq per­zent­hananyń akýsheri Tamara Hvan otbasynyń ál-aýqaty men ult saý­lyǵy syndy baǵyttardyń mańyz­­dylyǵyn atap ótti. «Par­tııa­lyqtar ózderiniń baǵdar­lamalyq qujattary men bastamalarynda densaýlyq saqtaý sala­synyń sapasyn arttyrý máse­lesin únemi nazarǵa alyp otyrady. Osylaısha, olar azamat­tarymyzǵa is júzinde qamqorlyq kórsetip keledi», dedi T.Hvan.

Al «Qyzylorda magıs­traldyq jeli bólimshesi» bas­taýysh partııa uıymynyń múshesi Sabyr Bımuhamedov jańa baǵdarlamalyq qujat partııalyqtardyń basym kópshiliginiń kózqarasy men pikirin biriktiretinin aıtady. Bul jaıynda ol: «Barlyq óńirden usynys jınaý jáne áleýmettik saýalnama júrgizý arqyly partııalyqtardyń qujatqa qatysty óz pikirin bildirýine múmkindik berildi. Jalpy, Amanat elimizdiń basty saıası kúshi bola otyryp, árbir azamattyń múddesin qor­ǵaýdy jalǵastyryp jatqany qýantady», dedi.

Pavlodarda BPU músheleri qalalyq tramvaı basqarmasy bazasynda oblystyq máslıhat­taǵy partııa depýtattarymen birge jańa Tuǵyrnamanyń negiz­gi basymdyǵy azamattardyń ál-aýqatyna baǵyttalǵanyn atap ótti. «Tom-tom qujatty zerttep otyratyn ýaqytymyz joq», deıdi ol. «Biz úshin qarapaıymdylyq pen qoljetimdilik mańyzdy. Al jańa Saıası tuǵyrnamanyń jobasy osy qaǵıdattarǵa saı keledi. Partııa jumysynda adam men onyń ál-aýqatyna negizgi basymdyq beriletini biz úshin óte mańyzdy», deıdi D.Mah­mudov atyndaǵy tramvaı deposy kásipornynyń qyzmetkeri Saılaýbek Asyhanov.

Pavlodar oblystyq máslı­haty Amanat fraksııa­synyń múshesi Serik Jartybaev jańa qujat qatardaǵy partııalyq­tar­dyń myńdaǵan pikirin qamtıtynyn atap ótti. «Jergi­likti aqparattyq tehnologııa­lar kol­ledjiniń dırektory retin­de men úshin osy Tuǵyrna­mada balalarymyzdyń mektep­ke deıingi tárbıesinen bastap, barlyq deńgeıdegi bilim berý salasyna erekshe nazar aýdaryl­ǵany mańyzdy. Par­tııa­nyń búkil saıası platformasy Ádiletti Qazaqstandy qurý­ǵa baǵyt­tal­ǵan», dedi fraksııa múshesi.

О́z kezeginde Qaraǵandy ob­lysyndaǵy «Memlekettik mu­ra­ǵat» BPU jetekshisi Elena Chernaıa jańa tuǵyrnama – zamanaýı talaptarǵa jaýap beretin partııanyń basty ıdeologııalyq qujaty ekenin atap ótti. BPU jıyndarynyń qorytyndysy boıynsha partııanyń aýmaqtyq fılıaldarynyń konferensııalaryna qatysý úshin delegattar saılandy.

Memleket basshysy Qasym-Jomart Toqaev bıyl­ǵy Joldaýynda kezekten tys Prezıdent saılaýy óteti­nin málimdegen edi. Negizi Prezıdenttiń kezekti saılaýy 2024 jyly, al Parlament saılaýy 2025 jyly ótýge tıis bolatyn. Q.Toqaev jańa strategııaǵa sáıkes basty memlekettik ıns­tıtýttardy keshendi túrde qaı­ta jańǵyrtýǵa kirisý qajet dep sanaıtynyn jetkizdi. Bul qadam azamattardyń ál-aýqatyn art­tyrý jáne eldi órkendetý jo­lyn­daǵy ortaq jumysty jan­dan­dyrýǵa múmkindik beredi.

«Bılik óziniń josparyn qoǵam­nan jasyryn ustaıtyn saıa­sı dástúrden arylýymyz kerek. Sondyqtan men búgin aldaǵy saılaý naýqandarynyń keste­sin barsha halyqqa jarııalaǵym keledi. Men bıylǵy kúzde kezekten tys Prezıdent saıla­ýyn ótkizýdi usynamyn. Ádiletti Qazaqstandy qurý jolynda túbegeıli jáne jan-jaqty reformalardy tabysty júzege asyrý úshin halyqtyń jańa senim mandaty qajet. Men úshin memleket múddesi bárinen bıik. Sondyqtan men ókilettik merzimimdi qysqartýǵa jáne kezekten tys Prezıdent saılaýyna barýǵa daıynmyn», dedi Q.Toqaev.

«Bul án burynǵy ánnen ózgerek» demekshi, bıylǵy saıası báseke burynǵy saılaý­lardan ózgeshe bolmaq. Q.Toqaevtyń usy­nysymen Prezı­dent óki­lettigi merziminiń sany jáne uzaqtyǵy qaıta qaral­dy. Osy­laısha, Prezıdent mandaty­nyń uzaqtyǵy 7 jyldyq bir mer­zimmen shekteldi. Biraq qaıta saılanýǵa tyıym salyndy.

Prezıdent Q.Toqaevtyń Joldaýda aıtqan usynysynan keıin ile-shala Parlamentte osy másele qaralǵan. Osyǵan oraı «Qazaqstan Respýblıkasynyń Kons­tıtýsııasyna ózgerister men tolyqtyrý engizý týraly» zań jobasy qabyldandy. Onda prezıdenttik ókilettikti 7 jyl­dyq bir merzimmen shekteý máse­lesi keńinen talqylandy. Bul bastamanyń artyqshylyǵy nede?

Birinshiden, Memleket basshysy Q.Toqaev aıtyp ótkendeı, «7 jyl – kez kelgen aýqymdy baǵdarlamany júzege asyrý úshin jetkilikti kezeń». Ekinshiden, qabyldanǵan konstıtýsııalyq jańalyq bılikti monopolııalandyrý qaýpin aıtarlyqtaı azaıtady. Sebebi memleket tizginin ustaǵan adamnyń qaıta saılaný­ǵa úmiti bolmaıdy. Sondyq­tan búkil kúsh-jigerin ózine beril­gen jalǵyz múmkindikke arnap, memlekettiń múddesi, halyqtyń qamy úshin ıgi ister atqarýǵa tyrysatyny sózsiz.

Qysqasy, aldymyzda kúr­deli ári jaýapty saıası naý­qan tur. Sebebi toǵyzynshy ter­rı­­­torııanyń tizginin kim ustaı­tyny 20 qarashada belgili bol­maq. Oǵan deıin eki aıǵa jýyq merzim bar. Saıası dodada kimniń oza shabatynyn ýaqyt kórseter. Bastysy, oǵan daıyn­dyq jumystaryna partııa­lar belsene kirisip ketti.