Almatydaǵy jańa art-galereıa

Otyz jyldan astam ýaqyt áleýmettik salanyń turaqty damý strategııasyn júzege asyryp kele jatqan Anadolu Efes Group álemdik mádenıet pen ónerdiń de janashyry. Ol árdaıym qoldaýdan, shabyt berýden, jańa múmkindikter izdeý jolynan jańylǵan emes, sebebi mádenıetti qoldaý negizinde qoǵamdy aǵartý mindetin de arqalap, onyń áleý­mettik salaǵa áserin arttyrýǵa tyrysyp keledi. Sol sebepti Art & creative Solutions qoǵamdyq qorymen birlese otyryp, keskindeme mádenıetin qoldaıtyn jáne barlyq tilek bildirýshiler úshin múlde jańa art-ekspırıens usynatyn jobany uıymdastyrýdy qolǵa aldy.

Jaǵymdy jańalyqtan erterek qu­laǵ­dar bolyp, Almaty qalasynyń or­ta­­lyǵynda jeke kórmesin ótkizgisi kel­­gen sýretshiler men talantty óner qaı­­­­ratkerleri bir aı boıy óz óti­nim­­de­rin jiberip, qatysýǵa nıet bil­dirdi. Muqııat irikteýden keıin kásibı qazy­lar alqasy áleýmettik, tehnıkalyq, tujy­rymdamalyq jáne estetıkalyq talap negizinde tórt jobany tańdap aldy.

Jańa ashylǵan Art-galereıada zamanaýı sýretshi Stanıslav Agapıtov, Hvoya art-qoǵamdastyǵynyń ókilderi Ekaterına Dmıtrıeva men Aleksandra Shamsýtdınova, óner qaıratkeri Dıas-Álı Qasymov jáne múmkindigi shek­teý­li jandar uıymdarynyń ókilderi, psıholog, sýretshi Elena Serejechkına men «Deıstvıe Býkvalno» teatrynyń sýretshisi ári aktrısasy Renata Mashe­kenova óz týyndylarymen tanys­tyrý­dyń múmkindigin tapty.

Bastamanyń maqsaty – óner sala­syndaǵy qyzyqty ıdeıalarǵa qoldaý kór­setý jáne jas talanttardyń ózin, ónerin dáleldeýine múmkindik berý.

Art-galereıa alǵashqy jobasyn «I need the night» degen ataýmen Stas Aga­pı­tovtyń jumystaryn tanys­tyrý­dan bastady. «Almatyda kórme uıym­das­tyrýdy burynnan armandaıtyn edim, taǵdyr meni Efes-pen jolyqtyrdy. Ár sýretshi úshin ózin jáne ónerin kórsetý mańyzdy. Efes art space bizge jańa jol, jańa múmkindikter ashady jáne qol­daý kórsetedi», dedi Stas Agapıtov kórmeniń ashylý rásiminde.

Uıymdastyrýshylardyń pikirinshe, art-keńistik elimizde jańa esim, jas talanttardy tanystyrýda taptyrmas orynǵa aınalady. Kórmeniń esigi ár­qashan ashyq jáne tamashalaýǵa kelgen ár adamnyń estetıkalyq nár alýy úshin qolaıly ahýal qalyptastyra alady.

«Efes Art Space uıymynyń ıdeıasy – bul kópshilikti Qazaqstanda ja­sal­ǵan rýhanı ónimmen maqtan etýge yntalandyrýdyń taǵy bir tásili. Biz úshin daryndy jastardy biriktirý dás­túrin jalǵastyrý óte mańyzdy. Biz munda shyǵarmashylyq kezdesýler, tusaý­keserler, konferensııalar, sýret­shiler basqosýy jáne basqa da is-sha­ralar ótkizýdi josparlap otyrmyz. Kompanııa turaqty damý strategııasy aıasynda ónerdi qoldaı otyryp, súıikti qalamyzǵa shyǵarmashylyqpen, jasampazdyqpen tańdandyratyn jáne shabyt syılaıtyn erekshe tartý jasaý týraly osyndaı sheshim qabyldandy», deıdi marketıng departamentiniń dırektory Zeınep Erkan Alp.

Sondaı-aq Efes Kazakhstan kompa­nııa­sy ónermen jáne shyǵarmashylyq­pen baı­lanysyn arttyrýda altyn kópir ispetti Efes Art Space Award syı­ly­ǵyn ta­ǵa­ıyndaý týraly da sheshim qabyl­da­dy. Kór­meler jyl sońyna deıin ótkizý jo­s­par­lanǵan, sońyra halyqtyq daýys berý negizinde eń jaqsy kórme tańdalyp, avtory baǵaly syılyqpen marapattalady.

Efes Kazakhstan kompanııasynyń bul tájirıbesi talantty bola tura, tar sheń­berde tanyla almaı júrgen kórkem, mý­zyka jáne teatr ónerindegi jarqyn esim­der men jobalardy qoldaýda ózge ha­lyqaralyq kompanııalarǵa da úlgi kórsetip otyr.

ALMATY