BAQ ókilderine baǵyttalǵan kýrs

Elektoraldyq oqytý orta­lyǵynyń bazasynda respýb­lıkalyq jáne óńirlik buqaralyq aqparat quraldarynyń 60-tan astam ókili «Qazaqstan Respýblı­kasyndaǵy saılaý prosesi: teorııa jáne praktıka» taqyrybyn­daǵy oqytý kýrsyna qatysty. Ortsaılaýkom tarapynan spıkerler retinde OSK tór­aǵasynyń orynbasary Konstantın Petrov, Ortsaılaýkom músheleri Sábıla Mustafına, Anastasııa Shegor­sova, Asylbek Smaǵulov, son­daı-aq apparat qyzmetkerleri tań­­dalyp, saılaýǵa qatysty táji­rıbelerimen bólisti.

Oqytý kýrsy BAQ ókilderine Prezı­dent saılaýyn ótkizý­diń erekshelikterin, aǵym­daǵy elektoraldy naýqan­nyń negizgi kezeń­derin, BAQ-tyń prezıdenttikke kan­dıdat­t­ar­dyń saılaý aldyndaǵy úgit pen saılaýdy aqparattyq qamta­­ma­syz etýdegi rólin, elek­toral­dyq naýqan kezeńin­degi faktchekıng­tiń rólin, saılaý pro­sesindegi jýrnalısterdiń quqyq­tary men mindetterin, saılaýdy aqparattyq jarııa etýdiń halyq­ara­lyq standarttary men qaǵı­dattaryn túsin­dirýge baǵyttalǵan.

Semınarda qatysýshylar saılaý prosesine qatysýshy­lar­dy oqytý, múgedektigi bar adamdar­dyń saılaý quqyq­taryn qamtama­syz etý, Prezı­dent saılaýyn memle­ke­t tarapynan jáne memlekettik emes kózderden qarjylandyrý, saılaý zańnamasyn buzǵany úshin quqyqtyq jaýapkershilik máselelerimen jáne «Qazaqstan Respýblıkasyndaǵy saılaý týraly» Konstıtýsııalyq Zańǵa engiziletin jańashyl­dyq­tarmen tanysty.

Elektoraldyq oqytý jónin­degi josparǵa sáıkes, bul 2022 jylǵy 20 qarashaǵa taǵaıyndal­ǵan Qazaqstan Respýblıkasy Prezıdentiniń kezekten tys saılaýy kezeńinde jospar­lan­ǵan saılaý prosesine qatysýshy­lar úshin Ortalyq saılaý komıssııasy uıymdastyratyn 10 semınardyń biri. Buǵan deıin 21-23 qyrkúıekte elimizdiń barlyq óńiri­nen kelgen jastar uıymy­nyń ókilderi úshin semınar ótki­zil­gen bolatyn. OSK kelesi semınardy osy jyl­dyń 5-7 qazan aralyǵynda Qazaqstan Respýblıkasynda tirkelgen saıası partııalardyń ókilderine arnap ótkizýdi josparlap otyr.