Amanat partııasynyń el aýmaǵyndaǵy 4 myńnan astam bastaýysh partııa uıymynyń (BPU)músheleri partııanyń jańa Saıası tuǵyrnamasynyń jobasyn talqylap jatyr. Sondaı-aq BPU otyrystarynda partııanyń aýmaqtyq fılıaldarynyń konferensııalaryna qatysatyn delegattar saılanady.
Almatydaǵy №4 qalalyq perzenthananyń akýsheri Tamara Hvan «Densaýlyq» bastaýysh partııa uıymynyń jınalysynda sóz sóılep, otbasynyń ál-aýqaty men ult saýlyǵy syndy baǵyttardyń mańyzdylyǵyn atap ótti.
«Partııalyqtar ózderiniń baǵdarlamalyq qujattary men bastamalarynda densaýlyq saqtaý salasynyń sapasyn arttyrý máselesin únemi nazarǵa alyp otyrady. Osylaısha, olar azamattarymyzǵa is júzinde qamqorlyq kórsetip keledi», dep atap ótti T.Hvan.
О́z kezeginde, «Qyzylorda magıstraldyq jeli bólimshesi» bastaýysh partııa uıymynyń múshesi Sabyr Bımuhamedov jańa baǵdarlamalyq qujat partııalyqtardyń basym kópshiliginiń kózqarasy men pikirin biriktiretinin atap ótti.
«Barlyq óńirden usynys jınaý jáne áleýmettik saýaldama júrgizý arqyly partııalyqtardyń qujatqa qatysty pikirin bildirýine múmkindik berildi. Jalpy, Amanat elimizdiń basty saıası kúshi bola otyryp, árbir azamattyń múddesin qorǵaýdy jalǵastyryp jatqany qýantady», dedi S.Bımuhamedov.
Pavlodarda BPU músheleri qalalyq tramvaı basqarmasy bazasynda oblystyq máslıhattaǵy partııa depýtattarymen birge jańa Tuǵyrnamanyń negizgi basymdyǵy azamattardyń ál-aýqatyna baǵyttalǵanyn atap ótti.
«Tom-tom qujatty zerttep otyratyn ýaqytymyz joq. Biz úshin qarapaıymdylyq pen qoljetimdilik mańyzdy. Al jańa Saıası tuǵyrnamanyń jobasy osy qaǵıdattarǵa saı keledi. Partııa jumysynda adam men onyń ál-aýqatyna negizgi basymdyq beriletini biz úshin óte mańyzdy», dedi D.Mahmudov atyndaǵy tramvaı deposynyń qyzmetkeri Saılaýbek Asyhanov.
Oblystyq máslıhattaǵy Amanat fraksııasynyń múshesi Serik Jartybaev jańa qujat qatardaǵy partııalyqtardyń myńdaǵan pikirin qamtıtynyn atap ótti.
«Jergilikti aqparattyq tehnologııalar kolledjiniń dırektory retinde, osy Tuǵyrnamada balalarymyzdyń mektepke deıingi tárbıesinen bastap, barlyq deńgeıdegi bilim berý salasyna erekshe nazar aýdarylǵany mańyzdy. Amanat partııasynyń búkil saıası platformasy Ádiletti Qazaqstandy qurýǵa baǵyttalǵan», dedi S.Jartybaev.
Qaraǵandy oblysyndaǵy «Memlekettik muraǵat» BPU jetekshisi Elena Chernaıa jańa tuǵyrnama – zamanaýı talaptarǵa jaýap beretin Amanat partııasynyń basty ıdeologııalyq qujaty ekenin atap ótti.
«Tuǵyrnama bolashaqtaǵy baǵyt pen damý baǵdarlaryn, qaǵıdalaryn qamtıdy. Ol bizdi Ádiletti Qazaqstandy qurýǵa taǵy bir qadam jaqyndatady», dedi E.Chernaıa.
BPU jıyndarynyń qorytyndysy boıynsha partııanyń aýmaqtyq fılıaldarynyń konferensııalaryna qatysý úshin delegattar saılandy.
Eske sala keteıik, 6 qazanda Astana qalasynda Amanat partııasynyń kezekten tys XXIV sezi ótedi. Sezd jumysyna elimizdiń barlyq óńirinen delegattar qatysady.