Qylyshyn súıretip qys keletin kún de alys emes. Kún sýytsa el kóńili kómirge aýyp, «qara otynǵa» qol jetkizýdiń qamyna kirisedi. Bıyl tas kómirden tapshylyq kóremiz be, álde kórmeımiz be? Kómir óndirisin jańǵyrtýdyń zamanaýı qandaı tetikteri bar?
Indýstrııa jáne ınfraqurylymdyq damý mınıstri Qaıyrbek О́skenbaev Respýblıkalyq taý-ken óndirýshi jáne taý-ken metallýrgııalyq kásiporyndar qaýymdastyǵynyń atqarýshy dırektory Nıkolaı Radostovespen kezdesip, elimizdegi kómir óndirisin jańǵyrtýdyń zamanaýı tetikterin tarazylady.
Kezdesý barysynda taraptar kómir óndirisin jańǵyrtý men salaǵa jańa tehnologııalar engizýge baǵyttalǵan máselelerdi talqylap, qatty otynnyń tasymalyn utymdy uıymdastyrý men onyń baǵasynyń negizsiz ósýin tejeý jáne ınvestısııalar tartý boıynsha birlese jumys isteýge ýaǵdalastyq jasaldy.
Búginde elimizde kómir óndiretin 25-ke jýyq kásiporyn bar. Atalǵan óndiris oshaqtary bıyl alǵashqy segiz aıda 73,7 mln tonna kómir óndirse, 2022-2023 jyldardaǵy jylytý maýsymynyń basynan beri kommýnaldyq-turmystyq sektor men halyqqa arnalǵan 4,03 mln tonna qatty otyn jetkizilgen. Iаǵnı ótken jylǵy kórsetkishpen salystyrǵanda 4,6 paıyzǵa artyq. Kómir salasyndaǵy kompanııalardyń málimeti boıynsha, otynnyń bul túriniń baǵasy ótken jylǵy deńgeıde boljanyp otyr. Máselen, qazirgi tańda ishki naryqta kómirdiń ár tonnasy 8 myń men 21 myń 600 teńge aralyǵynda satylsa, onyń quny ken ornynyń qashyqtyǵy men kómirdiń markasyna da tikeleı baılanysty bolmaq.
Indýstrııa jáne ınfraqurylymdyq damý mınıstrligi kómir baǵasynyń negizsiz ósýine jol bermeý maqsatynda «QazTemirTrans» AQ vagondar jelisi arqyly ken oryndarynan tikeleı tasymaldaýdy uıymdastyrýda. Budan bólek, vedomstvo jergilikti kómir tıeý tuıyqtary jáne oblys ákimdikterimen birlesip ázirlengen kómirdi elden tys jerlerge avtokólikpen shyǵarýǵa tyıym salý týraly arnaıy buıryq shyǵarǵan. Bul sheshimdegi basty maqsat – 2022-2023 jyldaryndaǵy jylý berý maýsymy kezeńinde kózdelgen mejeni oryndaý jáne eldegi kómir tapshylyǵyn boldyrmaý.