Zańǵar jazýshy, ǵalym Muhtar Áýezovtiń týǵanyna 125 jyl tolýyna oraı Almatyda birqatar is-shara ótti.
О́zbekstan, Qyrǵyzstan, Ázerbaıjan, Reseı, Majarstan, Nıderland, Ońtústik Koreıa jáne el óńirlerinen jınalǵan ǵalymdar qalamger rýhyna taǵzym etip, Quran baǵyshtady.
M.Áýezov atyndaǵy Ádebıet jáne óner ınstıtýty, Türksoy halyqaralyq uıymy, Halyqaralyq Túrki akademııasy, Qazaqstan Jazýshylar odaǵy, Almaty qalasy ákimdiginiń uıymdastyrýymen ótken aýqymdy is-shara Dostyq úıinde «M.Áýezov murasy jáne álemdik órkenıet» atty halyqaralyq ǵylymı-praktıkalyq konferensııamen jalǵasty.
Konferensııa barysynda ǵalymdar qalamgerdiń mol murasyna jan-jaqty taldaý jasaı otyryp, eńbekteriniń ǵalamdyq deńgeıdegi mazmuny men mánine nazar aýdardy. Jıyn moderatory, M.Áýezov atyndaǵy Ádebıet jáne óner ınstıtýtynyń bas dırektory Kenjehan Matyjanov otandyq ǵalymdar aldynda Áýezov murasyn álemdik órkenıet keńistigine shyǵarý mindeti turǵanyn atap ótti. «Qalamger óz shyǵarmalarynda qazaqy turmysty sýrettegenimen, onyń ón boıynda jalpy adamzatqa tán aýqymdy máseleler kórinis tapty. «Abaı joly», «Qıly zaman», «Qarash-qarash» eńbekteri osyǵan dálel deıtin bolsaq, qalamgerdiń alǵashqy klassıkalyq týyndylary dáýirdiń jemisi desek, Shyǵys mádenıetiniń arnasyn keńeıtýdegi eńbegi ólsheýsiz. Osy oraıda álemdik bilim men ilimniń injý-marjanyn qazaq topyraǵyna ákelgen Alashtyń ádebı murasyn qazaq topyraǵyna ornyqtyra bilgen qalamgerdiń murasyn zertteýdegi eń basty másele – sosıalıstik realızm baǵytyndaǵy kózqarastardan arylyp, álemdik deńgeıge shyǵarý», dep atap ótti K.Matyjanov. Sondyqtan búgingi jas ǵalymdardyń aldynda jazýshy murasyna jańasha, tyń kózqaraspen qarap, álemdik órkenıet turǵysynan zerdeleıtin kez keldi.
Alqaly jıynda mádenıettanýshy-ǵalym Murat Áýezov, ózbekstandyq ǵalym, akademık Q.Seıdanov, aqyn, qoǵam qaıratkeri O.Súleımenov, Majarstannan kelgen professor V.Vegvarı, Qazaqstan Jazýshylar odaǵy basqarma tóraǵasynyń orynbasary, professor B.Jaqyp, Nıderlandtan – Zıfa-Alýa Áýezova, Sankt-Peterbýrgten – F.Dostoevskıı ádebı-memorıaldyq mýzeıiniń dırektory N.Áshimbaeva, Ázerbaıjannan – Baký Slavıan ýnıversıtetiniń professory Nızamı Mamedov, taǵy da basqa ǵalymdar jazýshy eńbekteriniń álemdik órkenıettegi orny týrasynda zerdeli oılaryn ortaǵa salyp, jalpyadamzattyq qundylyqtarǵa negizdelgen ozyq ıdeıalaryn óskeleń urpaqtyń boıyna sińirý, qalamger murasyndaǵy Alash paradıgmasy, qazaq jáne álem ádebıetiniń ádebı baılanysyna qatysty oı órbitti.
Osy jıyn barysynda Halyqaralyq Túrki akademııasy shyǵarǵan «M.Áýezov «Manas» qyrǵyzdyń batyrlyq eposy», «Muxtar Auezov. Abay (roman)», «Turan Teymur. M.Auezovun Abay romanında sánátkarlıg másálálárı» jáne M.Áýezov atyndaǵy Ońtústik Qazaqstan memlekettik ýnıversıteti shyǵarǵan «M.Áýezovtiń Ońtústikke sapary», M.Áýezov atyndaǵy Ádebıet jáne óner ınstıtýtynyń ǵylymı qyzmetkeri G.Piráli daıyndaǵan «Amerıka áserleri» arnaıy shyǵarylymy tanystyrylyp, ǵalymdar nazaryna usynyldy.
ALMATY