Ulttyq ulannyń 5573 áskerı bólimin «astanalyq qurama» dep ataıdy ulandyqtar óz arasynda. О́ıtkeni «Úrker» shaǵyn aýdanynda oryn tepken áskerı ujym elordanyń qaýipsizdigin qamtamasyz etip, astanalyqtardyń tynyshtyǵyn kúzetedi.
Aspandaǵy aqsha bulttar bolmasa, kún kózi jarqyrap tur. Biri bala-shaǵasymen, endi biri bolashaq jarymen qol ustasyp qydyryp júrgen qalyń jurt. Alystan úsh jaýyngerdiń sulbasy kórindi. Azamattyq kıimdegi adamdardan birden erekshelenip tur. Áskerı kıim kıisi, saptyq júris-turysy kózge ottaı basylady. Bul búgingi tynyshtyǵymyzdyń kúzetshileri, ulandyq jaýyngerler. Qasymda kele jatqan 5573 áskerı bólimi 1 batalon 1 rota 3 vzvod komandıri aǵa leıtenant Aıbergen Ivan meni kúndizgi qyzmettiń ereksheligimen tanystyryp keledi.
– О́zińiz kórip turǵandaı, kúndiz jurttyń barlyǵy kóterińki kóńil kúımen júredi. Jazdy kúni qala turǵyndary men qonaqtary osy ortalyq saıabaqty aralaıdy. Jurttyń kóbi demalys kúnderi otbasylarymen birge demalady. Kúndizgi qyzmettiń ereksheligi osynda. Adamdar óz demalystaryn joǵary deńgeıde ótkizýi kerek. О́zge bireý mas kúıde halyqtyń shyrqyn buzyp, tóbelespeýi jáne jalpy qoǵamdyq tártipti saqtaý úshin kezekshilikte júremiz, – deıdi jas ofıser.
Sálden keıin, qasymyzǵa úshtikten quralǵan áskerı jasaq keldi. Barlyǵy áskerı bólimnen taǵaıyndalǵan kezekshi ofıserdiń qasyna jaqyndap, áskerı tártipke saı baıandaı bastady. Mán-jaıdy anyqtap bolǵan soń men sarbazdardy da áńgimege tarttym. Áskerı jasaq bastyǵy, qatardaǵy jaýynger Asan Jumabekov 8 aıdan beri áskerde eken. Qasyndaǵy patrýlshiler qatardaǵy Iýnýs Iýldashev pen Qasymjan Ábdimanap jýyrda ǵana áskerı anttaryn qabyldaǵan jas jaýyngerler. Asan Jumabekov qyzmet boıynsha tájirıbeli sanalady. Jáne de bir satyǵa joǵary turady. Jasaq bastyǵy bolyp bekerden-beker taǵaıyndalǵan joq. A.Jumabekov áskerge Shymkent shaharynan shaqyrylypty. Osy ýaqyt ishinde elordadaǵy qoǵamdyq tártipti kúzetýde edáýir tájirıbe jınaqtaǵan.
– Men de kezinde Áskerı ant qabyldap, alǵash ret qalaǵa qyzmetke shyqqanmyn. Ásker, onyń ishinde Ulttyq ulan – jaýyngerlik-áskerı otbasy bolyp sanalady. Biz jańadan ásker qataryna shaqyrylǵan sarbazdarǵa qyzmettiń qyr-syryn úıretemiz. Meni de kezinde ofıserler men kelisimshart negizindegi áskerı qyzmetshiler, aldyńǵy shaqyrylymdaǵy qarýlastarym úıretti. Men de úıretemin. Bul Otanymyzdy qorǵaýda qajet dep bilemin, – deıdi áskerı jasaq bastyǵy.
Ulandyqtardyń aıtýynsha, kúndizgi qyzmet tynysh ótedi. О́ıtkeni qylmys ataýlynyń kóbi túnde, ymyrt jabylǵanda jasalady. Eń nazar aýdarýǵa tıistisi Esil ózeniniń jaǵalaýy. Sý – tilsiz jaý. Úlkender balalarymen sýǵa tym qatty jaqyndasa, áskerıler mindetti túrde eskertý jasap, olardy saq bolýǵa shaqyrady.
– Bizdiń qyzmet qylmystyń aldyn alýdy mindetteıdi. Qujattardy da biz kez kelgen azamattan suraı bermeımiz. Tek kúdikti nemese mas kúıde turǵan azamattardan suraımyz. О́ıtkeni olar ózgege nemese ózine zııan keltirýi múmkin. Mysaly, jazda sýǵa qulasa, qysta sýyqta qatyp qalýy kádik. Tipti urlyq, zorlyq-zombylyq ta kóbinese mas kúıde jasalady. Biz olardyń aldyn alý arqyly qalada qoǵamdyq tártipti qamtamasyz etemiz. Bizdi osyǵan úıretedi. Biz osyǵan jaýaptymyz, – deıdi aǵa leıtenant Aıbergen Ivan.
Joǵalǵan balalardy saıabaqtarda taýyp alatyn jaǵdaı óz aldyna bir áńgime. «Kóbinese, bizge ata-analar jolyǵady. Balalarynan kóz jazyp qalady. Nemese basqa azamattar jaqyndap «Ana jerde bir bala jylap tur. Ata-anasynan adasyp qalǵan bolýy múmkin» deıdi. Biz baryp balany áńgimege tartyp, aqyrynda jaǵdaıdy surap alamyz. Jaqyndarynyń telefon nómirin bilse, qońyraý soǵamyz. Meken-jaıdy aıtsa, aparamyz. Eshteńe aıta almasa polısııa pýnktine jetkizemiz. Ata-analar ádette sol jerde bolady», – dep aǵynan jaryldy patrýldik top bastyǵy, efreıtor Aıdos Sabyrjanov. Ol da tájirıbeli kelisimshart qyzmetiniń áskerı qyzmetshisi. Qasyndaǵy jaýyngerler qatardaǵy Dıdar Rezenov pen Jeńisqalı Nurtóreni ertip, ári qaraı Esil boıyn jaǵalap, qyzmetterin jalǵastyrýǵa bettedi.
Tynyshtyq ataýlysyna ne jetsin?! Elorda tórindegi saıabaqta el mamyrajaı kúnderdiń qyzyǵyn tamashalap júr. Jastar «tık-tok» túsirip, úlkender nemerelerin ertip demalystaryn oıdaǵydaı ótkizýde. Tek, Ulttyq ulan jaýyngerleri únemi qyzmette. Esildiń boıy erlerdiń kúzetinde ekenin osyndaı azamattarǵa qarap bilesiń.
Daryn SEIITOV,
áskerı jýrnalıst