Elektr jelileri jańartyldy

Osy jyly aksıonerlik qoǵam­nyń elektr jelilerin jańǵyrtý boıyn­sha 695 mln teńge bólingen. Búginde óńirdegi nysandarda júıeli jumys júrgizilip jatyr. Biz aldymen Taldyqorǵan qalasyndaǵy 10 kVt-tyq №6 taratý pýnktiniń jańǵyrtý ju­mys­tarymen tanystyq. Munda avtomattandyrylǵan zamanaýı qurylǵylar ornatylǵan. Es­kirgen relelik qorǵanys jáne avto­matıka qurylǵylary men jab­dyqtary tolyqtaı aýystyrylyp, vakýýmdy ajyratqyshqa kóshken.

Osydan keıin №5 taratý pýnk­tine at basyn burdyq. Bul nysanǵa da jańa qurylǵylar alynǵanymen, áli ornatylmaǵan. Mamandardyń aıtýynsha, jańa qurylǵylar shamamen eki apta­nyń ishinde qoıylmaq.

Kelesi kezekte Tekeli qalasy boıynsha atqarylyp jatqan jumys­tardy kórip qaıttyq. Munda 13 shaqyrym – 6 kVt, 29,1 shaqyrym – 0,4 kVt elektr jelileri aýystyryldy. Qoldanystaǵy qaptalmaǵan 6/0,04 kVt-tyq elektr jelileri oqshaýlanǵan je­li­lerge aýystyrylýda. Ázirge 42,1 shaqyrymnyń jartysyna oqshaýlanǵan aspaly elektr je­lileri tartyldy. 10-kiristegi tok transformatory qoıyldy. Barlyq jumys jeltoqsan aıyna deıin aıaqtalmaq.

«Taldyqorǵan aksıonerlik kólik-elektr jelileri kompanııa­sy» AQ tehnıkalyq dırektory Dáýlet Shábdenuly ınves­tısııalyq baǵdarlamanyń jáne aktıvterdi jańǵyrtý bo­ıynsha atqarylyp jatqan ju­mystarǵa keńinen toqtalyp, aldaǵy jos­parlarymen bólisti.

«Kelesi kezekte QS-110/35/10 kVt bolatyn №159 «Qarabulaq» jańǵyrtý boıynsha 10 kVt K-37 jelilik uıashyqtardy vakýýmdy ajyratqyshtary bar «K-59» serııaly uıashyqtarǵa aýystyrylady. Sonymen qatar úıdiń aýlasynda turǵan aǵash elektr baǵanalary syrtqa shyǵarylyp, temirbetonǵa aýystyrylady», dedi D.Shábdenuly.

Kezdesý sońynda Ulttyq ekonomıka mınıstrligi Tabıǵı monopolııalardy retteý komıtetiniń Jetisý oblysy boıynsha departament basshysynyń orynbasary Ǵalym Toılybek ınvestısııalyq baǵdarlamanyń mańyzdylyǵyna, atqarylǵan jumystyń aýqym­dylyǵyna toqtalyp, kásiporyn qyzmetkerleriniń jumystaryna sáttilik tiledi.

Jetisý oblysy