Alash ardaqtylarynyń esimi berildi

Abaı atyndaǵy mektep­ter Qostanaı, Jitiqara, Lısa­kov jáne Rýdnyı qalala­rynda ornalasqan. Oblys orta­ly­ǵyn­daǵy №29 mektepke, son­daı-aq Arqalyqtyń irge­sin­degi Rodına aýylyndaǵy bilim oshaǵy men Rýdnyıdaǵy Qashar jalpy bilim beretin mektepke Álıhan Bókeıhannyń esi­mi berildi. Sonymen qa­tar Rýdnyı qalasyndaǵy eki bir­deı bilim uıasy Alash ardaq­tylarynyń esimderimen atalatyn bolady. Kenshiler shaha­ryndaǵy №19 mektep Ahmet Baıtursynulynyń, №15 mektep Mirjaqyp Dýlatulynyń atyn ıelendi.

Rýdnyıda osydan 20-25 jyl buryn jalǵyz-aq qazaq mek­tebi bolatyn.  «Otandastar qo­­rynyń» oblystaǵy ókili Ná­­zıra Járimbetovanyń aıtýyn­sha, shaǵyn shahardaǵy qazaq mektepteriniń kóbeıýine, qala­daǵy bilim oshaqtaryna Alash ardaqtylary esimderiniń be­rile bastaýyna osy óńirge ke­lip jatqan qandastar kóshiniń yq­paly erekshe.

– О́zbekstannan kóship ke­lip, Rýdnyı qalasyn qutty qo­nys etip otyrǵan aǵaıynnyń sany 17 myńdy shamalap qaldy. Kenshiler qalasynyń qa­za­qylanyp, buryn-sońdy bolmaǵan qazaq mektepteriniń ashylýy, Rýdnyı men Qasharda or­nalasqan úsh mektepke úsh birdeı Alash arysynyń esimderiniń berilýi sonyń je­misi. Búginde bul mektepterge oqýshy syımaı jatyr. Son­dyqtan qazaq mektepterin áli de asha berý kerek, – dedi N.Já­rimbetova. 

Sonymen qatar Amangeldi aýdanyna qarasty Qabyrǵa aýy­lyndaǵy N.Krýpskaıa atyn­daǵy orta mektep endi belgili satırık, jýrnalıst Ju­mataı Sabyrjanulynyń esi­mimen ata­latyn boldy. Al Qa­rasý aýda­­nyndaǵy orta mektep­ke uly aǵartýshy Ybyraı Al­tyn­sarın­niń esimi berildi.

Qostanaı oblysy