Prezıdent kelesi jyly Májilis pen máslıhat depýtattary aralas júıe boıynsha saılanatynyn aıtty, dep habarlaıdy Egemen.kz.
«Bıylǵy referendým nátıjesi baǵdarymyzdyń durystyǵyn kórsetti. Jurtshylyq Ata zańǵa usynylǵan ózgeristerdi qoldady. Konstıtýsııalyq reforma saıası jańǵyrý jolyndaǵy mańyzdy qadam boldy. Bılik tarmaqtary arasyndaǵy tepe-teńdik nyǵaıa tústi. «Kúshti Prezıdent – yqpaldy Parlament – esep beretin Úkimet» qaǵıdaty ornyqty. Bul Prezıdenttik Respýblıka bolady degen sóz. Rasynda, el basqaratyn Prezıdent quzyrly, kúshti bolýy kerek. Áıtpese, keıbir basqa elderdegi sııaqty tártipsizdikke ushyraýymyz múmkin. Al, ondaı jaǵdaı halqymyzǵa qasiret ákeledi», dedi Memleket basshysy.
Onyń aıtýynsha, kelesi jyly Májilis pen máslıhat depýtattary tyń tásil, ıaǵnı aralas júıe boıynsha saılanady.
«О́ńir basshylary balamaly jolmen tańdalady. Aýyl ákimderin tikeleı saılaý tásili engizildi. Saıası partııalarǵa zań júzinde tyń múmkindikter berildi. Jurttyń memleketti basqarý isine atsalysýyna jol ashyldy», dedi Q.Toqaev.