Elorda ákimi Altaı Kólginov óziniń Instagram paraqshasynda muǵalimderdi kásibı merekemen quttyqtady, dep habarlaıdy Egemen.kz qala ákimdiginiń resmı saıtyna silteme jasap.
«Pedagogterdi kásibı mereke – Muǵalimder kúnimen quttyqtaımyn!
Ustaz eńbegin tolyǵymen baǵalaý múmkin emes. Pedagogter balalarymyzdy oqytyp qana qoımaı, olardyń qarym-qabiletteri men qasıetterin ashýǵa, ómirde óz oryndaryn tabýǵa kómektesedi.
Muǵalimder – bolashaqtyń jasampazdary! Kez kelgen muǵalimniń artynda qalamyz ben memleketimizdiń bilimdi azamattarynyń birneshe býyny tur.
Memleket basshysy sapaly bilim berý men pedagogterge eńbekte jaıly jaǵdaılardyń jasalýyna erekshe kóńil bóledi. «Muǵalim mártebesi týraly» zań qabyldandy, jyl saıyn ustazdardyń jalaqysy ósip jatyr», dep jazdy ákim.
Sondaı-aq mınıstr óz taraptarynan mektep ınfraqurylymyn jaqsartý men muǵalimderge jaǵdaı jasaý boıynsha jumystyń jalǵasyp jatqanyn aıtty.
«Jylda bilim mekemelerin salyp, joǵary oqý oryndarynda tegin oqýǵa granttardy bólip jatyrmyz. Turǵyn úı, basqa da máselelerge kóńil bólemiz.
Pedagogterimizdi shyn júrekten kásibı merekemen quttyqtaımyn! Sizderdiń eren eńbekterińiz úshin zor alǵys aıtamyn!», dep jazdy A. Kólginov.