О́neri týǵan jerde óristegen

Shıeli aýdanyndaǵy aıa­daı ǵana Aqqumshyqta dú­nıege kelgen Ábilqasym Sár­senbaev Alma­tydaǵy N.V.Gogol atyn­daǵy kór­kem­sýret ýchılı­shesin biti­rip, aýdandyq pıonerler úıin­de jas sýretshiler mek­­tebin ashyp, shákirtter tala­byn ushtapty. Aýylda júrse de búkilodaqtyq shy­ǵar­­mashylyq jastar sımpozıýmyna qatysyp, res­pýb­lıkalyq «Jiger» fes­tıva­liniń birneshe dúrkin laýreaty atanady. Ol tus­ta óner adamynyń shyǵarmashy­ly­ǵyn shyńdaýyna jasalǵan jaǵ­daı da bólek edi ǵoı.

Sekseninshi jyldardyń or­tasynda qazirgi T.Júr­ge­nov atyndaǵy Qazaq ulttyq óner akademııasynyń dızaın fakýltetin bitirip, osy oqý ornynda qalǵan sýretshi shyǵarmashylyǵynyń ózegi týǵan jer boldy. Elimiz ben ózge memleketterde qo­ıyl­ǵan kartınalarynyń ishinde «Aqqumshyqtaǵy aq úıim», «Aqqumshyqtaǵy qu­dyq», «Aqqumshyqtaǵy aýyl» atty týyndylarynyń orny bólek edi. Týyndyla­ry­na týǵan jerin arqaý etken óner ıesi byltyr dú­nıeden ozdy.

Kórmede qylqalam she­beriniń týystary men bel­gili sýretshi, músinshi Amangeldi Kenenbaıuly estelik aıtyp, oblystyq mádenıet jáne sport basqarmasy bas­shysynyń orynbasary Er­dil­da Nurtazauly lebizin bildirdi.

Áıgili qaıratker, túrki áleminiń tolymdy tulǵasy Mustafa Shoqaı jolymen toǵyz memleketke baryp, kór­me uıymdastyrǵan sýret­­shiniń sońǵy týyndy­lary «Ult tulǵasy – Mustafa Sho­qaı» jáne «Mustafa Sho­qaı – sýretshi kózimen» atty eki birdeı kitap-al­bom edi. Shoqaı týǵan topy­raq Nar­sho­qydan bastap Parıjge deıin saparlaǵan sýret­shiniń bul eńbekterinde qaı­ratkerdiń gra­fıkalyq sýret­teri, por­tretteri top­tastyrylǵan.

Qazirgi sýret óneriniń bo­lashaǵyna alańdap, kes­kindeme, músin, qolóner týraly basylym bolsa, osy kúngi fotografııadan kóshi­retin sýretshiler men shyn sýret­ker­diń aıyr­masyn jurt baıqar edi dep armandaǵan qylqalam she­beri osy salada tolymdy eń­bek etti.

Osy maýsym aıynda S.Aıt­baev atyndaǵy kór­kem­sýret galereıasyna Al­maty qalasynan sýretshiniń 200 kartınasy men grafı­kalyq sýreti ákelinip, galereıa qory qaıtalanbas týyn­dy­larmen tolyqqan. Búgingi kór­mege solardyń 100-den astamy qoıyldy.

QYZYLORDA