Ǵylym jáne joǵary bilim mınıstrligi 2023-2025 jyldarǵa arnalǵan «Jas ǵalym» jobasy boıynsha jas ǵalym – postdoktoranttardyń irgeli jáne qoldanbaly ǵylymı-zertteýlerin granttyq qarjylandyrýǵa arnalǵan konkýrs ótkizetini jóninde habarlaıdy.
Konkýrstyq qujattamaǵa sáıkes ótinimder ǵylymdy damytýdyń basym baǵyttary boıynsha qabyldanady:
– Sý resýrstaryn, janýarlar men ósimdikter dúnıesin utymdy paıdalaný, ekologııa;
– Geologııa, mıneraldy jáne kómirsýtek shıkizatyn óndirý jáne qaıta óńdeý, jańa materıaldar, tehnologııa, qaýipsiz buıymdar men konstrýksııalar;
– Energetıka jáne mashına jasaý;
– Jaratylystaný ǵylymdary salasyndaǵy ǵylymı-zertteýler;
– Agroónerkásiptik keshenniń turaqty damýy jáne aýyl sharýashylyǵy óniminiń qaýipsizdigi;
– О́mir jáne densaýlyq týraly ǵylym;
– Aqparattyq, kommýnıkasııalyq jáne ǵaryshtyq tehnologııalar;
– Áleýmettik jáne gýmanıtarlyq ǵylymdar salasyndaǵy zertteýler;
– Bilim jáne ǵylym salasyndaǵy zertteýler;
– Ulttyq qaýipsizdik, qorǵanys jáne mamandandyrylǵan ǵylymı baǵyttar.
Konkýrstyq ótinimderdi qabyldaý 31 qazanǵa deıin https://is.ncste.kz saıtynda júrgiziledi.