Qostanaıda jol apatynan 23 jastaǵy jigit kóz jumdy, dep habarlaıdy Egemen.kz.
3 qazan kúni keshke Abaı-Arystanbekov kósheleriniń qıylysynda jol-kólik oqıǵasy oryn alyp, saldarynan Kia Cerato kóliginiń 23 jastaǵy júrgizýshisi qaıtys boldy.
«Aldyn ala boljam boıynsha, apatqa aldyńǵy oń jaq dóńgelektiń durys jumys istemeýi sebep bolǵan. Tehnıkalyq aqaýdyń saldarynan júrgizýshi tizginge ıe bola almaı, qorshaýǵa soqtyǵysqan. Júrgizýshi qaza tapty, úsh jolaýshy qatty jaraqat alǵan joq», delingen Qostanaı qalalyq polısııa departamentinde.
QR Qylmystyq kodeksiniń 345-baby «Jol qozǵalysy erejelerin buzý» boıynsha sotqa deıingi tergeý isi bastaldy.