Buqalar bássaýdasy

KazAgro/KazFarm Orta­lyq Azııadaǵy eń iri aýyl­sharýashylyq kórmeleriniń biri jáne agroónerkásip sala­syndaǵy álemdik ınnovasııalardy tanystyrýdyń jetekshi kásibı alańy bolyp sanalady. Mundaǵy KazAgro degenimiz – tuqym tańdaýdan bastap, da­ıyn ónim men zamanaýı tehnologııalardy qamtıtyn ósimdik sharýashylyǵy kórmesi. Al KazFarm – mal sharýashylyǵy men et-sút ónerkásibine ar­nalǵan kórme. Bul jerde embrıon­dardan bastap daıyn ónimder men qyzmetterge deıin tolyq qamtylǵan.

KazAgro/KazFarm-2022 na­ryq­qa álemdik jetekshi agro­konsernderdiń sońǵy úlgi­degi aýylsharýashylyq tehnı­kasy men jabdyqtaryn, ın­no­vasııalyq tehnologııalar­dy jáne agroónerkásip salasy­na agro-ǵylymnyń sońǵy álemdik jetistikterin engizý­ge yqpal etetin aýyl sharýa­shy­lyǵy sektoryn damytý baǵdarlamalaryn usynady.

Is-sharany uıymdastyrý­shy ExpoGroup kompanııa­sy­nyń dırektory Sholpan Qojabaevanyń aıtýynsha, halyqaralyq kórme kompanııasy Qazaqstanda ártúrli elderdiń 300-den astam agroónerkásiptik kompanııalaryn biriktiretin kórmelerdi 10 jyldan beri ótkizip keledi. Bıyl kórmege álemniń 20-dan astam elinen kompanııalar men uıymdar qatysady dep kútilýde. Is-sharanyń bas de­meýshisi – «Rostselmash» kom­panııa­lar toby.

– Jalpy joba fermerlerge úsh kún ishinde bir nysanda barlyq bıznes sharany júzege asyrýǵa múmkindik beredi. Kórmeniń jalpy aýdany shamamen 20 myń sharshy metr­di quraıdy. 2021 jyly is-shara rekordtyq 33 myń qatysý­shyny tartty. Olardyń qatarynda qazaqstandyq fermerler, kóterme jáne bólshek saý­da ókilderi, ımporttaýshy­lar men eksporttaýshylar, Aýyl sharýashylyǵy mı­nıstr­ligi jáne alys-jaqyn shetel­derdiń basqa da ýákiletti mem­le­kettik organdarynyń ókil­deri, sala mamandary men ǵy­lymı-zertteý ınstıtýt­tary­nyń ǵalymdary bar, – deıdi Sh.Qojabaeva.

Kórme baǵdarlamasynda jetekshi sala mamandarynyń, aýyl sharýashylyǵy kásip­oryn­dary men ınnovasııa­lyq ortalyqtardyń basshylary­nyń qatysýymen semınarlar, prezentasııalar uıymdas­tyrý, iskerlik mıssııalar men qazaq­standyq jáne sheteldik kom­pa­nııalar arasynda memo­ran­­dýmdarǵa qol qoıý qaras­tyrylǵan.

– Qatysýshylar men kórme qonaqtary agronomdarǵa arnalǵan jańa qosymshanyń tusaýkeserine kýá bolady. Mal sharýashylyǵyna arnalǵan sońǵy jańalyqtarmen tanysady. Aýyl sharýashylyǵyna arnalǵan jańa KamAZ kólik­teri men mashınalarynyń tu­saýke­seri ótedi. Shetel teh­nolo­gııasyn kórsetý, jańa ónim­derdi tanystyrý kóz­delip otyr. Qazaqstandaǵy aýylsharýa­shylyq tehnıkasy­nyń alǵashqy ishki naryǵynyń tusaýkeseri, sonymen qatar ár­túrli ınteraktıvti is-sha­ralar, baıqaýlar men sheberlik synyptary uıymdastyrylady, – dedi ol.

Sonymen qatar kórme­ler barysynda Aýyl sharýa­­shylyǵy mınıstrligi eli­miz­diń barlyq óńirinen úzdik jáne ozyq ósimdik sharýa­shy­lyǵyndaǵy mamandardy marapattaı otyryp, Qazaqstan seleksıonerleriniń II sletin ótki­zedi. Sondaı-aq kórmeler tarı­­hynda alǵash ret tańdaýly bu­qal­ardyń tuqymdyq ma­te­­rıal­­dary bás­saýdaǵa shyǵarylady.