Kelesi jyly Qaraǵandydaǵy medısınalyq ýnıversıtet janynan aýrýhana salynady, dep habarlaıdy Egemen.kz.
Bul jaıynda Memleket basshysy Qaraǵandy oblysyna jasaǵan sapary kezinde belgili boldy.
«Medısınalyq bilim berý júıesin damytý – basty mindettiń biri. Qaraǵandy medısına ýnıversıteti búkil elimiz úshin bilikti mamandar daıarlaıdy. Bul oqý ornyn dárigerler ustahanasy deýge bolady. Quzyrly mınıstrlik ýnıversıtetter janynan 5 aýrýhana salý týraly joba usyndy. Sonyń biri Qaraǵandyda salynady. Ýnıversıtet klınıkasynyń qurylysy kelesi jyly bastalýy kerek. Ony zamanaýı quraldarmen jabdyqtaý qajet. Klınıka osy óńirde medısına ǵylymyn damytýǵa jáne jańa tehnologııalardy engizýge tyń serpin beredi dep senemin», dedi Qasym-Jomart Toqaev.