2014 jylǵy 29 sáýir, Astana, Úkimet Úıi
«Avtokólik quraldarynyń qaýipsizdigine qoıylatyn talaptar» tehnıkalyq reglamentin bekitý týraly» Qazaqstan Respýblıkasy Úkimetiniń 2008 jylǵy 9 shildedegi №675 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Avtokólik quraldarynyń qaýipsizdigine qoıylatyn talaptar» tehnıkalyq reglamentin bekitý týraly» Qazaqstan Respýblıkasy Úkimetiniń 2008 jylǵy 9 shildedegi №675 qaýlysyna (Qazaqstan Respýblıkasynyń PÚAJ-y, 2008 j., №32, 334-qujat) mynadaı ózgerister engizilsin:
kórsetilgen qaýlymen bekitilgen «Avtokólik quraldarynyń qaýipsizdigine qoıylatyn talaptar» tehnıkalyq reglamentinde:
11-tarmaqtyń tórtinshi bóligi mynadaı redaksııada jazylsyn:
«Osy tarmaqtyń ekinshi bóliginde kózdelgen talaptar 2015 jylǵy 1 qańtardan bastap qoldanysqa engiziletin Keden odaǵyna qatysýshy elderde shyǵarylǵan avtokólik quraldaryn qospaǵanda, osy talaptar 2014 jylǵy 1 shildeden bastap qoldanysqa engiziledi.»;
12-tarmaqtyn birinshi bóligi mynadaı redaksııada jazylsyn:
«Qazaqstan Respýblıkasynda jasalatyn jańa avtokólik quraldary ótinish berýshiniń tańdaýy boıynsha «Sáıkestikti rastaý rásimderi» tehnıkalyq reglamentin bekitý týraly» Qazaqstan Respýblıkasy Úkimetiniń 2008 jylǵy 4 aqpandaǵy №90 qaýlysynda belgilengen 1-8, 10-shemalardyń biri boıynsha sáıkestikti rastaýdan ótedi. Paıdalaný merzimi 3 jyldan az, Dońǵalaqty kólik quraldaryna, dońǵalaqty kólik quraldarynda ornatylýy jáne/nemese paıdalanylýy múmkin jabdyqtaý zattary men bólshekterge arnalǵan biryńǵaı tehnıkalyq nusqamalardy qabyldaý týraly jáne osy nusqamalardyń negizinde beriletin resmı bekitýlerdi ózara moıyndaý sharttary týraly kelisim (1958 jylǵy Jeneva kelisimi) sheńberinde berilgen, úlgini maquldaýdy rastaıtyn qujaty bar avtokólik quraldary «Sáıkestikti rastaý rásimderi» tehnıkalyq reglamentin bekitý týraly» Qazaqstan Respýblıkasy Úkimetiniń 2008 jylǵy 4 aqpandaǵy №90 qaýlysymen belgilengen 9-shema boıynsha sáıkestikti rastaýdan ótedi.».
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.