Birliktiń naqty úlgisi

«Amanat» partııasynyń At­qarýshy hatshysy Ashat Oralov atap ótkendeı, kúni keshe saıası partııalar men respýblıkalyq uıym­dardyń ókilderi Qasym-Jomart Toqaevty qoldaý jó­nin­degi halyqtyq koalısııa qurdy.

«Bul úrdis partııanyń ja­ńa saıası tuǵyrnamasyndaǵy ıdeo­logııaǵa sáıkes keledi. Sonymen qatar bul «Túrli kózqaras – bir­tutas ult» degen qaǵıdanyń aı­qyn kórinisi. Koalısııa bolyp birigip Prezıdentti usy­nýy­myz saıası mádenıetimiz ben saıa­sı júıemizdiń joǵary deń­geıin kórsetedi. Halyqtyq koa­lı­sııanyń forýmynda Prezıdent bizdiń usynysymyzdy qabyl aldy. Sondyqtan koalısııa mú­she­leri birlesip, Qasym-Jomart Kemelulyn kandıdat retin­de tirkeý qujattaryn Orta­lyq saılaý komıssııasyna tap­syrdyq», dedi Ashat Oralov.

«Qazaqstan máslıhattary de­pýtattarynyń birlestigi» RQB tóraǵasy Tóleýbek Muqashevtiń aıtýynsha, halyqtyq koalısııa – qoǵamdyq toptasýdyń ja­ńa deńgeıiniń kórsetkishi, yn­ty­maqtastyqtyń jarqyn úlgisi.

«Referendým barysynda da qoǵamdyq shtab Q.Toqaevtyń saıası reformalarynyń barlyq jaq­tasyn biriktirdi. Sol kez­degideı, biz qazir birtutas ko­manda retinde áreket etemiz. Biz Qasym-Jomart Kemelulynyń kandıdatýrasyn kórnekti saıası memleket qaıratkeri retinde usyndyq, bul jalpyhalyqtyq tańdaý», dedi ol.

О́z kezeginde Qazaqstan team respýblıkalyq qoǵamdyq jastar birlestiginiń tóraǵasy Oljas Sú­leımenov Ortalyq saılaý komıs­sııasyna qujattardy tapsyrý bolashaq saılaý naýqanyn bas­taıtyn mańyzdy qadam ekenin atap ótti.

«Men úshin bul óte mańyzdy oqıǵa. О́ıtkeni koalısııa birigip áreket etedi. Yntymaqtastyq árqashan ózekti. Biz bir-birimizdiń tájirıbemizdi qabyldap, ortaq maqsatqa jete alamyz», dedi ol.

Tirkeýge qajetti qujattar toptamasyn «Amanat» partııasy, Qazaqstan Halyq partııasy, «Aq jol» Qazaqstan demokratııalyq partııasy, «Ardagerler uıymy», Qazaqstan team, «Qazaqstan máslıhattary depýtattarynyń birlestigi», «Generaldar keńesi», «Qazaqstandyq sportshylar odaǵy» usyndy.