Orta salmaqta judyryqtasatyn qazaqstandyq boksshy Qanat Islam (29-1, 22 KO) kásipqoı bokstaǵy kelesi jekpe-jegin ótkizip, qarsylasynan basym tústi.
AQSh-tyń Florıda shtatyndaǵy Plant-Sıtı qalasynda ótken boks keshinde jerlesimiz argentınalyq Haver Fransısko Maselmen (34-18, 23 KO) qolǵap túıistirdi. Segiz raýndqa josparlanǵan aıqasta 38 jastaǵy qazaqstandyq boksshy tóreshilerdiń biraýyzdy sheshimimen jekpe-jektiń jeńimpazy dep tanyldy. Osylaısha, otandasymyz kásipqoı bokstaǵy 29-shy jeńisine qol jetkizdi. Al óz elinde «Jyrtqysh» degen laqap atymen tanymal bolǵan Masel 18-márte jeńilistiń kermek dámin tatty.
Aıta keteıik, bul – Qanat Islamnyń karerasyndaǵy alǵashqy jeńilisinen keıingi jeńisi. Ol osy jyldyń aqpan aıynda brıtanııalyq Djımmı Kellıden upaı sany boıynsha utylyp qalǵan edi.