Tennısten áıelder arasyndaǵy Qazaqstannyń birinshi, álemniń 26-raketkasy Elena Rybakına Chehııanyń Ostrava qalasynda ótken WTA 500 sanatyndaǵy týrnırdiń jartylaı fınalynda jeńilip qaldy.
E.Rybakına shırek fınalda álemniń 20-raketkasy chehııalyq Petra Kvıtovany eki sette – 7:6, 6:4 esebimen súrindirgenimen, jartylaı fınalda taǵy bir chehııalyq tennısshi – Barbora Kreıchıkovadan aılasyn asyra almady. Álemdik reıtıngte 23-orynda turǵan kort ıesi alǵashqy partııada jerlesimizge esh qarsylyq kórsete almaı, 6:3 esebimen jol berdi.
Ekinshi sette eki tennısshi de óz geımderinde sátti oınap, birde-bir qatelik jasaǵan joq. Al taı-breıkte B.Kreıchıkovanyń baǵy janyp, tarazy basyn teńestirdi – 7:6 (7:4). Úshinshi, sheshýshi partııada Rybakınaǵa qaraǵanda chehııalyq sportshyda jeńiske degen qulshynys anyq baıqalyp turdy. Nátıjesinde, Barbora Kreıchıkova eki breık jasap, 6:4 esebimen Elenadan jeńisti julyp aldy.