Partııalyq emes baıqaý ortalyǵynyń Respýblıkalyq shtabynyń tóraǵasy Tólegen Qúnádilov Almaty oblysy boıynsha fılıaldyń óńirlik úılestirýshilerimen jáne óńirdiń azamattyq sektorynyń ókilderimen kezdesti. Kezdesý barysynda shtab tóraǵasy Ortalyqtyń jáne onyń óńirlik ókildikteriniń aldaǵy prezıdent saılaýyndaǵy, eń aldymen, qazaqstandyqtardyń saılaý quqyqtaryn saqtaýǵa baǵyttalǵan basty mindetin atap ótti.
Tólegen Kúnádilov baıqaýshylardy daıarlaý jónindegi jumysy týraly aıta kele, saılaýaldy kezeń ishinde saılaý zańnamasynyń saqtalýyna tıimdi monıtorıng júrgizýdiń mańyzdylyǵyn atap ótti. Ol ortalyqtyń aımaqtyq úılestirýshileri men ÚEU seriktesterin baıqaýshylardy daıarlaý jáne praktıkalyq tájirıbe almasý máselelerinde yntymaqtastyqqa shaqyrdy.
Kezdesýge qatysýshylar biryńǵaı maqsat – ádil daýys berý, zańnyń saqtalýy, saılaýdyń adaldyǵy men ashyqtyǵy ekenin atap ótti.
Qarasaı aýdanynyń «Jeltoqsan aqıqaty» QB basshysy Sáken Shaımoldaev usynylǵan bastamalarǵa qoldaý bildirip, tyǵyz yntymaqtastyq qoǵamdyq baıqaýshylardy daıarlaý sapasyn arttyrýǵa múmkindik beretinin atap ótti. О́z kezeginde «Aýǵanstandaǵy soǵys ardagerleri odaǵy» QB basshysy Qanat Moldabergenov birlesken dıalogqa qyzyǵýshylyq tanytty.
«Tájik-Aýǵan shekarasyndaǵy urys qımyldary men áskerı qaqtyǵystarǵa qatysýshylar» QB Almaty oblysy jáne Qonaev qalasy boıynsha fılıalynyń basshysy Serik Sársembaev baıqaýshylardy daıarlaýda Partııalyq emes baıqaý ortalyǵymen jáne basqa da ÚEU-men ózara tájirıbe almasýdyń tıimdiligin atap ótti.
Partııalyq emes baıqaý ortalyǵy shtabynyń tóraǵasy Tólegen Kúnádilov Qonaev qalasynda Almaty oblysynyń aýdandyq úılestirýshilerin «Daýys berý barysyn baqylaý: teorııa jáne praktıka», «saılaý prosesine qatysýshylardyń quqyqtary men mindetteri» taqyryptarynda oqytý ótkizdi.
Oqytý tıimdi ótti, onyń ishinde suraq-jaýap formatynda, sondaı-aq praktıkalyq mysaldardy taldaýda qatysýshylar belsendilik tanytty. Jalpy, trenıngte saılaý prosesiniń quqyqtyq aspektileri, referendým men prezıdent saılaýy kezeńindegi saılaýdyń uqsastyǵy men aıyrmashylyǵy týraly túsinikter berildi. Jergilikti jerlerde stasıonarlyq jáne mobıldi baıqaýshylardy oqytýǵa erekshe nazar aýdaryldy, bul úshin aýdandyq úılestirýshiler qajetti ádistemelik kórneki materıaldar jáne ázirlemelermen qamtamasyz etildi.
Oqytýdyń negizgi taqyryby tańdalǵan prosestiń turaqtylyǵy men ádildigi, baıqaýshylardyń qyzmetin baqylaý jáne úılestirý quraldary arqyly zańdylyqty saqtaý boldy.