Senim men jaýapkershilik

Almatyda sezd delegattary men forýmǵa qatysýshylar «Jastar rýhynyń» qaladaǵy belsen­dilerimen kezdesti. Qazaq­stan Volonterler lıgasy­nyń basshysy Nursultan Bekqaırov Qasym-Jomart Toqaevtyń kandıdat retinde bir uıym­nan emes, búkil halyqtyq koa­lısııadan usynylýy Ádiletti Qazaqstandy qurý jolynda kópshilik jurt bolyp jumylýǵa daıyn ekendigin aıǵaqtaıtynyn atap ótti.

«Jastar rýhy» Almaty qala­lyq fılıalynyń tóraǵasy Áke­jan Keńesov partııa Memleket bas­shysynyń qoǵamdyq tiregi retin­de qazaqstandyqtardy saıa­sı jáne ekonomıkalyq reforma­lardy tabysty iske asyrýda birik­ti­rýge qabiletti eldegi sanaýly uıymdardyń biri dep esepteıdi.

«Sezde sóılegen sózin­de «Amanat» tóraǵasy Er­lan Qoshanov partııadan Qasym-Jomart Toqaevtyń kandıdatýrasyn usyn­dy. Dele­gattar bul sheshimdi bir­aýyz­dan qoldady. Sondaı-aq sezd bary­sy­nda delegattar jańa saıası tuǵyrnamany bekitti», dedi ol.

Qaraǵandydaǵy oblystyq aýrýhana alańynda belsendi pikirtalas ótti. Medısınalyq mekeme ujymy búginde beıbitshilik pen kelisim­di saqtaý burynǵydan da ózekti ekenine senimdi. Son­dyqtan da olar aldaǵy saılaýda Qasym-Jomart Toqaevty eń tıimdi ári laıyqty kandıdat dep esepteıdi.

«Men saılaýdyń birinshi kezekte ashyq, ádil ótkenin qoldaımyn. Qazaqstan búginde postkeńestik keńistiktegi turaqtylyq ornaǵan el bolyp otyr. Elimiz kópultty, eger biz birge sheshim qabyldasaq, bári jaqsy bolady. Eń bastysy, beıbitshilik», dedi reprodýktolog-gınekolog Lalı Pak.

Aqtaýda «Kaspıı jylý, sý ar­nasy» eńbek ujymymen partııa­nyń kezekten tys XXIV sezi­niń delegaty, kardıohırýrg Nurlan Tilepov kezdesti. Ol jınal­ǵan­darǵa sezd jumysy­nyń nátı­jeleri, jańa saıası tuǵyrna­manyń qabyldanǵany jáne aldaǵy pre­zıdenttik saılaýǵa daıyndyq týraly aıtyp berdi.

«Men sezdiń delegattary, «Amanat» partııasynyń múshe­leri Memleket basshysyn par­tııanyń kandıdaty retinde bel­sen­di qoldaýǵa bel býǵanyna senim­dimin», dedi ol.