Eńbek adamyna qurmet

Qyzylordaǵa Atyraý, Mań­ǵys­taý, Aqtóbe, Pavlo­dar oblys­tarynyń, Shymkent qa­la­sy­­nyń munaı-gaz sala­syn­da­ǵy 17 jetekshi kásipornynan 119 qatysýshy jınaldy. Baı­qaý­dyń sońǵy kezeńine ótken qatysýshylar – osyǵan deıin óz uıymdarynda irikteý kezeń­derinde jeńiske jetken úzdik­ter. Jarys munaı-gaz ón­di­ri­sinde qyzmet etetin onnan astam mamandyq ıeleriniń arasynda ótti. Atap aıtqanda, munaı jáne gaz óndirý opera­to­ry, uńǵymalardy zertteý operatory, taýar operato­ry, qabat qysymyn ustaý opera­tory, tehnologııalyq jab­dyqtardy jóndeý jáne qyz­met kórsetý slesari, elek­tr gazben dánekerleýshi, elektr quraldaryn jóndeý jáne qyzmet kórsetý elektr jón­deý­shi­si, hımııalyq taldaý zert­ha­­nashysy, tehnologııalyq qon­dyrǵylar operatory, kompressorlyq qondyrǵylar ma­shınısi, uńǵymalardy kúr­de­li jóndeý brıgadalary men uńǵymalardy jerasty jóndeý brıgadalary sekildi qarapaıym jumysshylar jınaldy.

Prezıdent Qasym-Jomart Toqaevtyń halyqqa arnaǵan Jol­daýyndaǵy «Elimizde eńbek­qor adam, kásibı maman eń syıly adam bolýǵa tıis. Osyndaı azamattar memleketimizdi damytady. Biz qarapaıym eńbek adamyna qurmet kórsetýimiz kerek» degen sózderi Qyzylordada ótken dástúrli jarystyń maqsatyn aıqyndaı túskendeı. О́ıtkeni uıymdastyrýshylardyń aı­týyn­­­sha, baıqaý saladaǵy ozyq tájirıbeli mamandardy anyq­taý arqyly munaı-gaz sala­syn­daǵy jumysshy kásipteriniń be­de­lin arttyrýǵa, mamandardy yntalandyrýǵa jáne ózara tá­jirıbe almasýǵa baǵyttalǵan.

Hımııalyq taldaý laboran­ty mamandarynyń arasynda 3-oryndy ıelengen Laýra Muratqyzy qyzylordalyq «Qaz­germunaı» kompanııasynyń aty­nan jarysqa tústi. «Aq­sha­bu­laq» ken ornynyń hımııalyq taldaý laboranty baıqaýǵa osymen ekinishi ret qatysqan. «2019 jyly Qazan qalasynda ótken jarysta 1-oryn alyp, úzdik maman atanǵanmyn. Saıysta kúndelikti oryndap júrgen tapsyrmalar bolǵanymen, qobaljý bolady. Sol tolqýdy basyp, prak­tıkalyq synaqtan sátti ótý mańyzdy», deıdi ol.

Qatysýshylar eki kezeńnen turatyn synaqtan múdirmeı ótýi kerek. Birinshi kezeńde ma­man­dardyń teorııalyq bili­mi tekseriledi, al ekinshi ke­zeń­­de tájirıbede synaldy. Osy kezeńde ónerkásipte kóp jyldyq tájirıbesi bar tis qaqqan mamandardyń ózi qobal­jı­tynyn aıtty. Qazylar alqasy ár qatysýshynyń bel­gi­lengen ýaqytta tapsyrmany tehnıkalyq qaýipsizdik ere­­jelerin saqtaı otyryp, tıim­di ári ónimdi oryndaýyn baǵa­laı­dy.

Jarysqa alǵash kelgen qa­ty­­sýshylar baıqaýdyń aýqy­myna tańǵalǵanyn jasyrmady. KazakhOil Aktobe kompa­nııa­­synyń tehnologııalyq jab­dyq­tar operatory Nurlybek Zaharov kelesi jyly tyń­ǵy­lyq­ty daıyndyqpen kelýge ýáde berdi. «Baıqaýǵa alǵash ret qatystym. Jarysty osyn­daı aýqymdy bolady dep kútpedim. О́zime kóńilim tol­masa da, baıqaýǵa kelip, tájirı­be jınadym. Eń bastysy, Qyzylordadan úlken yntamen ketip baramyn. Kelesi jarys­qa budan da jaqsy daıyndalamyn dep úmittenemin. О́zge áriptesterime de kómektesýge daıynmyn», deıdi aqtóbelik maman.

Baıqaý nátıjesinde 13 atalym boıynsha jeńimpazdar men júldegerler marapattal­dy. «Qarajanbasmunaı», «Qaz­ger­munaı», «QazTransOıl» jáne «Embimunaıgaz» kom­pa­nııa­larynyń qyzmetkerleri jo­ǵary nátıje kórsetip, úzdik atandy. Sondaı-aq «Mań­ǵys­taý­munaıgaz», «О́zen­mu­naı­gaz», Oil Construction Com­pany, «О́zenmunaıservıs», Oil Services Company, CASPI BITUM, Pavlodar munaı hımııa zaýy­ty, Shymkent jáne Atyraý munaı óńdeý zaýyttarynyń ma­man­dary júldeli oryndarǵa ıe boldy.