Úkimet basshysy Álıhan Smaıylov eldiń áleýmettik-ekonomıkalyq damýy boıynsha birqatar tapsyrma berdi, dep habarlaıdy Egemen.kz Úkimettiń baspasóz qyzmetine silteme jasap.
«Iri kásiporyndarǵa óndiristik josparlaryn iske asyrýy úshin qoldaý kórsetýdi kúsheıtý kerek. Máseleni jan-jaqty taldap, olardyń aınalym qarajaty, ınfraqurylym, logıstıka jáne ónimdi satý boıynsha problemalyq suraqtaryn sheshýdi qamtamasyz etý qajet.
Shıkizattyq emes sektorlarda, sonyń ishinde óńdeý ónerkásibinde, aýyl sharýashylyǵynda, kólik, logıstıka IT, týrızm jáne basqa salalarda ınvestısııalyq jobalardyń sanyn arttyrý kerek. Sheteldik jáne otandyq ınvestorlardy tartý jumysyn kúsheıtý qajet», dedi Premer-Mınıstr.
Sondaı-aq Úkimet basshysy shaǵyn jáne orta bıznesti damytý úshin qolaıly jaǵdaı jasaý, kásipkerlik bastamalardy qoldaý, jańa jumys oryndaryn qurýdy yntalandyrý boıynsha naqty sharalardy pysyqtaý kerek ekenin atap ótti.
Á. Smaıylov tapsyrmasy boıynsha, bıýdjetten qarjylandyrylatyn ınvestısııalyq jáne ınfraqurylymdyq jobalar boıynsha qarajatty jyl sońyna deıin tolyq ári tıimdi ıgerýdi qamtamasyz etilýi tıis.