Halyqaralyq menedjment damýy ınstıtýtyndaǵy álemdik básekege qabilettilikti zertteý ortalyǵy (Lozanna, Shveısarııa) 2022 jyldyń sıfrlyq báseke reıtıngin jarııa etti. IMD Digital Competitiveness Ranking sıfrlyq básekege qabilettilik reıtıngi – elderdegi memlekettik saıasattyń, bıznes úlgileriniń jáne tutastaı qoǵamnyń transformasııasyna áser etetin sıfrlyq tehnologııalardy qanshalyqty meńgerip, ıgerip jatqanyn baǵalaıtyn zertteýdiń nátıjesi.
Reıtıng úsh faktordan quralady. Onyń birinshisi – «Bilim». Bul tehnologııalardy zertteý jáne ashý úshin qajetti materıaldyq emes ınfraqurylymdy kórsetedi. Ekinshisi – «Tehnologııa». Sıfrlyq tehnologııalardyń damý deńgeıin sanmen baǵalaıdy. Úshinshisi – «Keleshekke daıarlyq». Bul ekonomıkanyń sıfrlyq transformasııaǵa daıyndyq deńgeıine baǵa beredi.
«Ár faktor 3 sýbfaktor jáne 54 kórsetkishten turady. 2022 jyldyń reıtıngine eki jańa kórsetkish qosyldy – «Úkimettiń kıberqaýipsizdik salasyndaǵy áleýeti» jáne «Zań boıynsha qupııalylyqty qorǵaý». Osy jolǵy zertteýde 63 elge baǵa berilgen. Álemdik sıfrlyq básekege qabilettilik reıtınginiń TOP-5 qatarynda Danııa, AQSh, Shvesııa, Sıngapýr jáne Shveısarııa bar», delingen Ekonomıkalyq zertteýler ınstıtýtynyń habarlamasynda.
Bıylǵy reıtıng qorytyndysy boıynsha Qazaqstan 36-oryn alǵan jáne osy kórsetkishimen Slovenııa (37-oryn), Portýgalııa (38-oryn), Italııa (39-oryn), Polsha (46-oryn) jáne Túrkııa (54-oryn) sııaqty elderden ozyp otyr.
«Qazaqstan bıyl 6 saty joǵary kóterilip «Bilim» faktory boıynsha óz pozısııasyn jaqsartqan. Eń kúrt jaqsarý «Oqytý jáne bilim berý» sýbfaktorynda baıqaldy. Munda Qazaqstan eń básekege qabiletti pozısııa – 1-orynǵa ıe. Bizden keıin Gonkong (2-oryn) jáne Kanada (3-oryn) elderi ornalasqan. «Tehnologııa» faktory boıynsha pozısııa ózgerissiz qaldy – 40-oryn. Eki sýbfaktor boıynsha pozısııa 1 satyǵa jaqsardy», delinedi habarlamada.
Qazaqstannyń pozısııasy «Keleshekke daıarlyq», sonyń ishinde «IT-ıntegrasııa» sýbfaktory boıynsha tómendegen. Byltyrmen salystyrǵanda osy sýbfaktor boıynsha elimiz 12 satyǵa tómendep, 56-orynǵa taban tiregen. Sonymen qatar «Memlekettik jáne jeke sektordaǵy kásiporyn tehnologııalyq damýdy qoldaıdy» jáne «Zań boıynsha qupııalylyqty qorǵaý» kórsetkishteri boıynsha da elimizdiń pozısııasy máz emes. Tym tómen.
Qazaqstannyń Ulttyq damý jospary boıynsha 2025 jyly elimiz álemdik sıfrlyq básekege qabilettilik reıtınginde 33-orynǵa kóterilýge tıis.