Bıyldan qalmaı qarjy, sonyń ishinde bıýdjet pen salyq salasyndaǵy kodeksterge ózgeris engizilýi tıis. Bul – Memleket basshysy tapsyrǵan aıyryqsha mindetter. Qazir Qarjy mınıstrligi osy baǵytta jumys atqaryp jatyr. Atalǵan mindetterden bólek, memlekettik satyp alý júıesin jańartý, salyqtyq baqylaýdy tolyq sıfrlandyrý, salyqtyq jáne kedendik aqparat júıeleriniń ıntegrasııasyn aıaqtaý máseleleri de kún tártibinde tur.
Qarjy vıse-mınıstri Erjan Birjanovtyń aıtýynsha, sońǵy 3-4 jylda vedomstvo aıasynda aqparat júıesi boıynsha kóp joba iske asyryldy.
«Atap aıtqanda, «E-Salyq Azamat» jobasy – jeke tulǵalarǵa jeńil túrde aqparat alýǵa, deklarasııa tapsyrýǵa qyzmet túrin alýǵa qolaıly jańa júıe. Qazirgi kezde ony 1,5 mln-ǵa jýyq adam qoldanyp otyr. Bul suranysqa ıe júıe. Sondaı-aq «E-Salyq Vıѕipeѕѕ júıesi» kásipkerlerge qyzmet túrlerin alýǵa, ólshemderin ózgertýge, deklarasııa tapsyrýǵa, basqa da qyzmet kórsetýge arnalǵan. Úshinshi joba – «Astana-1» jobasy. Aıta keteıik, kedendik rásimder 3-4 jylda tolyq avtomattandyryldy. Deklarasııalar 100 paıyz elektrondy túrde tapsyrylady. Kelesi joba bir tereze qaǵıdaty boıynsha engizilgen joba. Onyń maqsaty – barlyq ruqsattama qaǵazdaryn ortaq kedendik júıege qosý arqyly tez qyzmet kórsetý. Nátıjesinde qyzmet kórsetý ýaqyty 6 ese qysqardy», dedi vıse-mınıstr.
Onyń sózine qaraǵanda, táýekelderdi basqarý júıesi salyq júıesine de, kedendik júıege de engizildi. Bul qosylǵan qun salyǵyn qaıtarǵan kezde, tekseris prosesterin júrgizgen kezde qoldanylady.
Sondaı-aq vıse-mınıstr jańa Salyq kodeksi sheńberinde salyq tóleýshilerdiń qyzmet túrleri men mólsherin saralaý bóliginde salyq stavkalary ózgeretinin aıtty. Qazirgi arnaıy salyq rejimderi de qaıta qaralady.
«Yntalandyratyn rejimderdiń jańa túrlerin engizý qajet. Olar az, biraq ony túsiný jáne mindettemelerdi oryndaý ońaı bolady. Osy jumystyń barlyǵyn jumys tobynyń sarapshylarymen birge júrgizemiz. Búginde 2030 jylǵa deıingi jańa salyq saıasatynyń tujyrymdamasy daıyndalyp jatyr. Bul Ulttyq ekonomıka mınıstrliginiń qamqorlyǵymen jańa Salyq kodeksiniń negizine aınalady», dedi vedomstvo ókili.
Ol esep berý kezeńinde aqparat baıaý usynylatynyn nemese júıe isten shyǵýy múmkin ekenin, sondyqtan jańa platformalyq sheshimge kóshý keregin atap ótti. Bul salyq júıesine ǵana emes, kedendik ákimshilendirý júıelerine de qatysty. Memlekettik satyp alý boıynsha da másele bar. Bul prosess tolyǵymen avtomattandyrylǵan, soǵan qaramastan prosestiń ózine shaǵymdaný, konkýrs ótkizý, baǵalaý boıynsha suraqtar týyndaıdy. Osyǵan baılanysty Memleket basshysy osy usynystardyń barlyǵyn eskerip, tıisti zańdarǵa ózgerister engizý mindetin qoıǵan edi.
«Mundaı mindetterdi sheshý úshin óz jumysymyzdy tolyǵymen qaıta qarap, baqylaý fýnksııalaryna emes, qyzmet kórsetýdiń servıstik modeline baǵdarlanýymyz kerek. Osy baǵytta jumys isteımiz, servısterdi keńeıtemiz, IP arqyly qyzmetterimizdiń birqataryn aýtsorsıngke beremiz. Bul – memlekettik qarjy sektory emes, ekinshi deńgeıdegi bankter, «Azamattarǵa arnalǵan úkimet». Mysaly, qazir Kaspi jáne Halyk Bank qosymshalaryndaǵy bereshek, salyq somasyn naqtylaý jónindegi qyzmetter keńeıtiledi. 20 bankpen kelisim bar. Olardyń resýrstaryn júıeli túrde qoldanamyz, óıtkeni adamdar qarjy ınstıtýttarynyń qyzmetterin paıdalanady. Eger qosymshalarda barlyq qyzmet bolsa, óz júıelerimizdi jeńildetemiz jáne salyq tóleýshilerge yńǵaıly bolady. Jalpy, bir ret basý arqyly tólenetin salyq týraly Push habarlandyrýlarǵa kóshpekpiz. Sonymen qatar aldaǵy ýaqytta Wildberries, Iаndeks, Glovo ınternet platformalaryn paıdalanýǵa nıettimiz. Osy platformalarmen ózara áreket etip, aýyrtpalyqsyz salyq salýǵa kóshemiz. Osylaısha, salyq tóleý yńǵaıly, qarapaıym jáne bızneske júkteme bolmas úshin aqparattyq qyzmetterdiń barlyq múmkindigin paıdalanamyz», dedi vıse-mınıstr.
Vedomstvo ókiliniń aıtýynsha, kedendik ákimshilendirý kezinde jasandy ıntellekt elementteri engiziledi. Shekaradaǵy baqylaýdy ınspeksııalyq-tekserý keshenderi «júzege asyrady». Bul – rentgen apparattary. Al sýretterdi shekarada turǵan adam taldaıdy.
«Biraq álem bir orynda turmaıdy, júk kóliginde jıhaz ba, azyq-túlik pe, ony anyqtaıtyn jańa baǵdarlamalar engizilip jatyr. Dálsizdik, qatelik, sýbektıvızm alynyp tastalady. Biz osyndaı baǵdarlamalardy neǵurlym kóp engizsek, shekarada sybaılas jemqorlyq azaıady, ózara saýdadaǵy alshaqtyq tómendeıdi. Biz oǵan jetemiz. Inspeksııalyq keshenderden basqa, ınnovasııalar tekserý kezinde júrgiziletin aýdıo, beınetúsirilimderge de qatysty bolady. Bul túsirilimderdi astananyń bir jerindegi ahýaldyq ortalyqtaǵy ınspektor emes, «baǵdarlamalyq ónim» taldaıdy. Olar qazirdiń ózinde bar. Búginde jumys júrgizilýde, kelesi jyly alǵashqy nátıjeleri bolady dep oılaımyn. Kedendik resimdeý kezinde aqparatty aldyn ala alýymyz da mańyzdy», deıdi.
Qazir osy maqsatta kórshi eldermen kelisim jasalýda. Eger bári oıdaǵydaı atqarylsa, onda qazaqstandyq tarap júk kóligi shekaraǵa kelgende onyń salmaq parametrlerin, ónim ataýyn, jiberýshini, somany, barlyq derekti bilip turady. Bul – kedendik deklarasııalardy aldyn ala toltyrý jáne ony tez tazartý úshin basty negiz.
Mınıstrlik ókiliniń habarlaýynsha, qazir jumys toby jańa Salyq kodeksin ázirleýge kirisken.
«Onyń sheńberinde shoǵyr- landyrylǵan sheshimderdi ázirleý úshin bıznespen jáne halyqpen tyǵyz jumys isteıtin bolamyz. Bizdiń taraptan Ulttyq ekonomıka mınıstrligine tıisti usynystar, onyń ishinde mynadaı máseleler boıynsha joldandy: ekonomıkanyń túrli sektorlarynda saralanǵan salyq mólsherlemelerine kóshý; salyq tóleýden jaltarý táýekelderin barynsha azaıtý maqsatynda arnaıy salyq rejimderin jeńildetý; salyq júktemesin azaıtý maqsatynda uıymdardyń ádeıi bólshektenýine jol bermeý; teńdestik stavkilermen jáne qarapaıym rásimdermen bólshek salyqty qoldanýdy keńeıtý; «sán-saltanat salyǵyn» engizý múmkindigin qarastyrý. Jańa kodekstiń negizine jatatyn 2030 jylǵa deıingi jańa salyq saıasaty jónindegi tujyrymdamanyń jobasy qalyptastyrylýda», dedi E.Birjanov.