Oblystyq ishki ister departamenti oblystyq bilim basqarmasymen birlesip, Qarǵaly aýylynda ornalasqan Eset batyr atyndaǵy kópsalaly mektepte «Qozǵalystyń jas ınspektorlary» atty 14-shi oblystyq slet ótkizdi. Sharanyń maqsaty balalardyń qatysýymen bolǵan jol-kólik oqıǵalarynyń aldyn alý, jol qozǵalysy erejelerin nasıhattaý jumystaryn jandandyrý, qozǵalystyń jas ınspektorlarynyń jumystaryn jetildirý bolyp tabyldy. Sletke qalalyq jáne aýdandyq deńgeılerde ótken qozǵalystyń jas ınspektorlary baıqaýlarynyń jeńimpazdary, barlyǵy 140 oqýshy qatysty. Baıqaý «Jol qozǵalysy erejeleriniń bilgirleri», «Jas retteýshi», «Bilimdar», «Jas sanıtar», «Qaýipsiz dóńgelek», «Saptyq qaraý», «Úgit brıgadalary» sııaqty jeti nomınasııa boıynsha ótti.
Oblystyq slettiń jeńimpaz komandasy 22 maýsym – 2 shilde aralyǵynda Shyǵys Qazaqstan oblysynda ótetin «Qozǵalystyń jas ınspektorlary» respýblıkalyq sletine barady. Onda Qazaqstannyń barlyq óńirlerinen kelgen jeńimpazdar, sonymen qatar TMD memleketteriniń komandalary qatysady.
Satybaldy SÁÝIRBAI,
«Egemen Qazaqstan».
Aqtóbe oblysy.