Qazaqstan fýtbol federasııasynyń prezıdenti Ádilet Barmenqulov pen Moldova fýtbol federasııasynyń basshysy Leonıd Oleınıchenko yntymaqtastyq týraly memorandýmǵa qol qoıdy, dep habarlaıdy Egemen.kz.
«Memorandým aıasynda qos tarap buqaralyq fýtbol, jattyqtyrýshy mamandar men nusqaýshylardy daıarlaý boıynsha birlesken jobalardy iske asyrýǵa kelisti. Sondaı-aq fýtbol mamandarynyń deńgeıin arttyrý maqsatynda bilim berý semınarlaryn uıymdastyryp, ózge de is-sharalardy birlese atqarmaq», dep jazylǵan QFF taratqan habarlamada.
QFF keńsesinde Moldova fýtbol federasııasynyń bas hatshysy Sergeı Býıalskıı Moldova aýmaǵynda buqaralyq, áıelder jáne balalar-jasóspirimder fýtbolyn damytýǵa baǵyttalǵan fýtbol jobalaryn tanystyrdy.