Nıderland pen Polshanyń birneshe qalasynda ótip jatqan voleıboldan áıelder arasyndaǵy álem chempıonatynyń jartylaı fınalyna shyqqan quramalar belgili boldy.
Shırek fınalda Italııa Qytaı voleıbolshylarynan 3:1 esebimen aılasyn asyrsa, AQSh Túrkııany úsh sette de tize búktirdi – 3:0. Al Brazılııa men Japonııa arasyndaǵy básekeniń alǵashqy eki partııasynda Kúnshyǵys eliniń ókilderi 18:25, 18:25 esebimen alda turǵanymen, úshinshi sette 25:19 esebimen jol berdi. Qosymsha eki sette Brazılııanyń baǵy jandy – 27:25, 15:13. Qorytyndy esep – 3:2. Sondaı-aq Serbııa men Polsha arasyndaǵy báseke de dál osyndaı eseppen Serbııanyń paıdasyna aıaqtaldy.
Endi jartylaı fınalda qazirgi álem chempıony Serbııa Tokıo Olımpıadasynyń jeńimpazy AQSh quramasymen sheberlik baıqasady. Ekinshi matchta Italııa men Brazılııa fınal joldamasyn sarapqa salady.