Qasym-Jomart Toqaev AО́SShK pen TMD sammıtterine qatysqany úshin Aleksandr Lýkashenkoǵa alǵys aıtty, dep habarlaıdy Egemen.kz Prezıdenttiń baspasóz qyzmetine silteme jasap.
Sonymen qatar Qazaqstannyń Belarýspen aradaǵy strategııalyq seriktestikti jan-jaqty damytýǵa basa mán beretinin atap ótti. Áńgimelesý barysynda prezıdentter eki el arasyndaǵy kópjosparly yntymaqtastyqtyń qazirgi jaǵdaıy men qarym-qatynastardy odan ári nyǵaıtý perspektıvalaryn talqylady.
Saýda-ekonomıkalyq ózara is-áreket pen óndiristik kooperasııany jan-jaqty jandandyrýǵa erekshe nazar aýdaryldy.
– Men Úkimet múshelerine saýda-sattyqty, ınvestısııalyq yntymaqtastyqty arttyryp, jobalardy ilgeriletý úshin barlyq múmkindikti jasaý qajet dep únemi aıtyp otyramyn. Qolda bar áleýetti paıdalaný qajet. Meniń tarapymnan tıimdi kópjaqty yntymaqtastyqty odan ári damytý úshin barlyq sharalar qabyldanady, – dedi Qasym-Jomart Toqaev.
Aleksandr Lýkashenko sammıtke shaqyrǵany úshin Memleket basshysyna alǵys aıtyp, AО́SShK-ti odan ári nyǵaıtýdyń áleýeti mol ekenin atap ótti.
– AО́SShK uıymyn jahandyq deńgeıde damyta bastaǵanyńyz óte durys, – dedi Belarýs prezıdenti.
Sonymen qatar memleketter basshylary halyqaralyq jáne aımaqtyq kún tártibi týraly pikir almasty.