О́ńirlerde «Amanat» partııasynyń kezekten tys XXIV sezi men Qasym-Jomart Toqaevty qoldaý jónindegi halyqtyq koalısııa forýmynyń qorytyndylaryn talqylaý jalǵasty.
Qyzylorda qalasynda ótken «Bir tolqynda» oblystyq dıalog alańynyń otyrysynda partııa belsendileri sezd qorytyndysyn talqylady. «Jastar rýhy» óńirlik fılıalynyń tóraǵasy Medet Jorabektiń aıtýynsha, sezde qabyldanǵan saıası tuǵyrnama el damýynyń negizgi baǵyttary men saıası birlestik qaǵıdattaryn aıqyndaıdy. Ol sondaı-aq halyqtyq koalısııa forýmy týraly óz áserimen bólisti.
«Memleket basshysy aıtqan ultty uıystyrýdyń 7 qaǵıdasy – reformalar baǵytyn tereńdetý jáne qoǵamymyzdy demokratııalandyrýǵa umtylý. Prezıdent qıyndyqtardy birge eńserýimiz qajet dedi. Ol ózara qoldaýdy, senim men yntymaqtastyqty eń qundy qasıetter dep atady. Osy oraıda reformalardy júzege asyrýda jastar sheshýshi ról atqaratynyna senimdimin», dedi ol.
Al Taraz qalalyq Dostyq úıinde sezd delegattary, forýmǵa qatysýshylar, ÚEU ókilderi jáne belsendi jastardyń qatysýymen dóńgelek ústel ótti. Basqosý barysynda «Qoǵamdyq kelisim» oblystyq fılıalynyń basshysy Múbárak Jınaqbaeva aldaǵy saılaý naýqany ashyq ári ádil ótetinine senim bildirdi.
«Sezd jumysynan aıryqsha áser aldym. Bul – Qazaqstannyń damýdyń jańa kezeńine qadam basqanynyń aıǵaǵy. Aldymyzda saıası jáne ekonomıkalyq reformalardy tabysty iske asyrý, Jańa Ádiletti Qazaqstan qurý mindeti tur. Etnosaralyq kelisimdi saqtap qalý úshin Qasym-Jomart Kemeluly «Rýhanı úndestik – birliktiń bastaýy» qaǵıdatyn usyndy. Biz ultaralyq dıalogti saqtap, barynsha nyǵaıtýymyz kerek», dedi ol.
О́z kezeginde Taraz qalalyq máslıhatynyń hatshysy Batyrbek Kúlekeev jınalǵandarǵa Qasym-Jomart Toqaevty prezıdenttikke kandıdat retinde usyný týraly sheshimdi halyqtyq koalısııa forýmynyń barlyq qatysýshysy biraýyzdan qoldaǵanyn jetkizdi. «Men Qasym-Jomart Toqaev syndy kórnekti saıasatkerdiń, tájirıbeli dıplomattyń, memleket qaıratkeriniń kandıdatýrasyn qoldaımyn», dedi ol.
Shymkentte partııalyqtar «Bal tekstıl» kilem fabrıkasynyń ujymymen kezdesti. XXIV sezd delegaty, «Amanat» partııasynyń múshesi Raýshan Jırenovanyń aıtýynsha, aldaǵy saılaý – Táýelsiz Qazaqstan úshin úlken saıası qadam. «Negizgi maqsattardyń biri – Ádiletti Qazaqstan qurý. Shynynda da, ádilettilik bar jerde ǵana zań ústemdigi, turaqtylyq ornaıdy. Sondaı qoǵam ǵana alǵa basady», dedi ol.