Shymkent qalasy jáne Túrkistan oblysy QAJD-ge qarasty Túrkistan qalalyq probasııa qyzmeti bóliminiń esebinde turatyn bir azamatqa 100 saǵattyq májbúrli eńbek qosymsha jaza retinde taǵaıyndaldy.
Májbúrli eńbekti jergilikti atqarýshy organdar qoǵamdyq oryndarda uıymdastyrady jáne kúnine tórt saǵattan asyrylmaı óteledi. Sottalǵanǵa taǵaıyndalatyn jaza túriniń biri – bas bostandyǵynan shekteý jazasy. Bas bostandyǵynan shekteý jazasy ádette turaqty jumys orny men oqýda joq sotty bolǵandarǵa qoldanylady. Jergilikti atqarýshy organdar aıqyndaıtyn bul jaza túri jazany óteýdiń búkil merzimi ishinde jyl saıyn júz saǵattan taǵaıyndalady.
Zań talaptaryna sáıkes májbúrli eńbekke tartý kúnine tórt saǵattan aspaýy qajet. Osyndaı jaza túrine sotty bolǵannyń biri – jıyrma eki jastaǵy Berik esimdi azamat. Ol 2021 jyly Túrkistan qalalyq sotynyń úkimimen urlyq jasaǵany úshin kináli dep tanylyp 3 jyl merzimge bas bostandyǵynan shekteý jazasyna tartylǵan. Sonymen qatar ol jaza óteý kezinde 100 saǵattan aspaıtyn qoǵamdyq jumystardy da atqardy.
– Sottalǵan azamat 100 saǵattyq májbúrli eńbegin óteý úshin Túrkistan «Jaryq-Tazalyq» JShS-ge jiberildi. Qazirgi tańda kúnine tórt saǵattan asyrylmaı májbúrli eńbegin óteýde. Bul eńbekti qoǵamǵa paıdaly ári tıimdi etý úshin ákimshilik ǵımaratynyń aldyn qoqystan tazalaý, abattandyrý, túzetý jáne kóktem mezgilinde jer aýdaryp aýlaǵa kúl otyrǵyzyp, sharbaqtaryn syrlaý sekildi eńbek etip jazasyn óteıdi. Májbúrli eńbegin aıaqtaǵan soń Túrkistan «Jaryq-Tazalyq» JShS májbúrli eńbeginiń aıaqtalǵandyǵy týraly keste jasap, qalalyq probasııa qyzmetine jazbasha túrde habarlaıdy, – deıdi Túrkistan qalalyq PQB aǵa ınspektory Janbolat Abdrahmanov.
Probasııa ınspektorynyń sózine qaraǵanda, májbúrli eńbek bas bostandyǵyn shekteý jazasyna tartylǵan azamattar úshin tıimdi. Sebebi olar jumyssyz úıde jatpaıdy, 4 saǵat bolsa da eńbek etip, jumys isteýge daǵdylanady. Al keıbir sottalǵan azamattar tez arada jumysqa ornalasyp ketetin jaıttar da kezdesedi eken. Sottalǵan Berik esimdi azamat 100 saǵattyq májbúrli eńbegin óteý úshin Túrkistan qalalyq Jumyspen qamtý jáne áleýmettik baǵdarlamalar bólimi arqyly jumysqa jiberildi.
Májbúrli eńbekke tartylǵan azamattarǵa eshqandaı aqy tólenbeıdi. Kerisinshe ózderine berilgen jaza merzimi boıynsha eńbekterin tegin óteıdi. Sottalǵan azamat qoǵamdyq jumysqa tartý jazasymen esepke alynǵannan keıin 10 kún ishinde jergilikti atqarý organdaryna joldanyp, sol jerde óz jumysyn bastaıdy.
– Qazaqta «qolyńmen istegen isti, moınyńmen kóter» deıdi ǵoı. Árıne, ózimniń jasaǵan qylmysymdy moıyndaımyn. Qatelikke jol berip, esirtki zattaryn paıdalandym. Maǵan qoǵamdyq májbúrli eńbekke tartý jazasy taǵaıyndaldy. On kúnnen beri osy jazany ótep júrmin. Endi 80 saǵattyq eńbegimdi óteımin. Jasaǵan qylmysyma ókinemin, ony aldaǵy ýaqytta qaıtalamaımyn, – dedi sottalǵan Berik.
Raýshan NARBEK
Túrkistan oblysy