Qyzylqoǵa aýdanynyń Saǵyz aýylynda turatyn Ánýar Nurov bıylǵy aqpanda kalıfornııalyq qurt ósirýdi qolǵa alǵan. Jaqynda «Demey» volonterlik toptarǵa arnalǵan oblystyq konkýrsqa «Qunarly jer» taqyrybyndaǵy jobasyn usynyp, qarjylaı grantqa ıe boldy.
– Jyl basynan beri bıologııalyq turǵydan zerttelgen organıkalyq tyńaıtqysh arqyly qunarly jer kólemin arttyrýdy kózdedim. Osy maqsatta maldyń kóńinen tabıǵı tyńaıtqysh óndirýdi qolǵa aldym. Tyńaıtqyshty baý-baqsha, terek ósirýge paıdalanyp, jasyl jelekti kóbeıtýge bolady. Aýylda úıilip jatatyn maldyń kóńi jazda kúnniń qyzýymen tútindep, qorshaǵan ortany lastaıdy. Al ony óńdesek, ekologııanyń tazalyǵyn jaqsartýǵa úles qosamyz. Sol sebepten kalıfornııalyq qurtty ósirip otyrmyn, – deıdi Ánýar Nurov.
Onyń aıtýynsha, kalıfornııalyq qyzyl qurttyń uzyndyǵy – 10 sm, dıametri – 3-5 mm. Salmaǵy shamamen 1 grammdy quraıdy. Al ómir súrý uzaqtyǵy – 16 jyl. Kádimgi jaýynqurtyna qaraǵanda, 150 ese tez kóbeıedi. Bul qurttyń jańa dernásili 21 kúnde paıda bolyp, 90-120 kúnde úlkeıedi. Eki qurtyń dernásili jylyna 1,5 myńǵa deıin jetedi.
Atyraý oblysy