«Egemen Qazaqstan» respýblıkalyq gazeti» JShS (budan ári – Redaksııa) 2022 jylǵy 20 qarashada Qazaqstan Respýblıkasy Prezıdentiniń kezekten tys saılaýyna qatysý úshin «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi №2464 Qazaqstan Respýblıkasy Konstıtýsııalyq zańynyń 59-babyna sáıkes tirkelgen Qazaqstan Respýblıkasynyń Prezıdenttigine kandıdattarǵa (budan ári – Kandıdat) saılaýaldy úgit materıaldaryn ornalastyrýǵa arnalǵan gazet kólemin berýdiń sharttary týraly habarlaıdy.
Gazet kólemin berýdiń jalpy sharttary
Gazet betinen kólemdi usyný Kandıdat nemese onyń ókiletti tulǵasy jáne Redaksııa arasynda jasalǵan kelisimsharttyń negizinde júzege asyrylady.
Úgit materıaldaryn ornalastyrý týraly shart (budan ári – Shart) jasasýdyń negizi Kandıdattyń nemese onyń ókiletti tulǵasynyń Redaksııalyq alqanyń atyna jazbasha ótinishi bolyp tabylady.
Úgit materıaldarynyń kólemi Kandıdattyń nemese ókiletti tulǵanyń jazbasha ótinishinde kórsetiledi, ol odan ári Shartta jazylady.
Jazbasha ótinishke mynadaı qujattar qosa tirkelýge tıis:
1) Kandıdattyń tirkelgenin rastaıtyn qujattyń kóshirmesi;
2) Kandıdattyń ókiliniń ókilettigin rastaıtyn qujattyń kóshirmesi;
3) Qaǵaz jáne elektrondyq tasymaldaǵyshtaǵy úgit materıalynyń mátini;
4) ótinish berýshiniń jeke basyn kýálandyratyn qujattyń kóshirmesi;
5) shart jasaý úshin ótinish bildirýshiniń ókilettigin rastaıtyn qujattardyń kóshirmeleri.
Redaksııa modýl, maqalalar túrindegi úgit materıaldaryn jarııalaıdy. Úgit materıaldarynyń mátinderin Kandıdattardyń ózderi daıyndaıdy nemese redaksııamen bólek kelisim boıynsha ázirlenedi.
Úgit materıaldaryn jarııalaýdyń tártibi
Redaksııa Kandıdattardan mátinderdiń túsý retine qaraı úgit materıaldaryn jarııalaýdyń kezektiligin belgileıdi. Birneshe Kandıdattan/ókiletti tulǵadan ótinishter bir mezgilde túsken jaǵdaıda kezektilikti Redaksııa sol kúni jerebe arqyly sheshedi. Jerebege baspa materıaldaryn ornalastyrýdyń kezektiligine talas bildirýshi Kandıdattar nemese Kandıdattyń múddesin bildiretin ókiletti tulǵa jáne talas bildirýshiniń táýelsiz taraby retinde Redaksııa ókili qatysady.
Redaksııa «Egemen Qazaqstan» jáne «Kazahstanskaıa pravda» gazetteriniń betterinde úgit mateıaldaryn ornalastyrýdyń ornyn derbes aıqyndaıdy.
Úgit materıaldaryn tapsyrýdyń tártibi
2022 jylǵy 21 qazanda saǵat 18.00-den bastap kún saıyn, senbi jáne jeksenbiden basqa kúnderi, jazbasha ótinish qabyldanady, úzilis saǵat 13.00-den 14.00-ge deıin. Úgit materıaldaryn jarııalaýdyń sońǵy kúni – 2022 jylǵy 17 qarasha.
Kandıdattar úgit materıaldarynyń mátinderin jarııalaýdyń josparalanatyn kúnine deıin úsh kún qalǵanda Rekdaksııanyń Jarnama jáne jazylym bólimine tapsyrady. Mátinder Kandıdattyń nemese onyń ókiletti tulǵasynyń kúni men ýaqyty kórsetilgen, tirkeý nómirimen eki danada qoly qoıylǵan baspa nusqasynda tapsyrylady jáne elektrondyq tasymaldaǵyshta qosa berilýi qajet. Sondaı-aq beıneleri úgit materıalynda paıdalanylatyn tulǵalardyń (qaıtys bolǵan jaǵdaıda – olardyń muragerleriniń) jazbasha ruqsaty kerek.
Barlyq baspa úgit materıalynda tapsyrysty jasaǵan tulǵalar týraly málimetter, sondaı-aq maqalalar nemese modýlder qandaı qarajattan tólengendigi týraly aqparat bolýǵa tıis.
Redaksııa úgit materıaldaryn jarııalaýdy Redaksııanyń esep aıyrysý shotyna jarııalanymdar qunynyń 100 paıyzdyq aldyn ala tólemi túskennen keıin júrgizetin bolady.
«Egemen Qazaqstan» jáne «Kazahstanskaıa pravda» gazetterinde úgit materıaldary jarııalanǵan kezde «Saılaý-2022» – «Vybory-2022» aıdarymen ornalastyrylady.
Eger úgit baspa materıaldarynda konstıtýsııalyq qurylysty kúshtep ózgertý, respýblıkanyń tutastyǵyn buzý, memlekettiń qaýipsizdigine nuqsan keltirý, áleýmettik, násildik, ulttyq, dinı, tektik-toptyq jáne rýlyq arazdyqty qozdyrý, qatigezdik pen zorlyq-zombylyqqa bas urý, sondaı-aq zańnamada kózdelmegen áskerılendirilgen qurylymdardy qurý ıdeıalary jarııa etilse, «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq zańynyń talaptarynda qarastyrylǵan jáne ózge negizderde gazet ondaı úgit baspa materıaldaryn qabyldaýdan bas tartýǵa quqyly.
Basqa Kandıdattardyń, saıası partııalardyń ar-namysyna, qadir-qasıetine, abyroıyna jáne iskerlik bedeline nuqsan keltiretin úgit materıaldary men ózge de aqparattar bolǵan jaǵdaıda Redaksııa Kandıdattyń úgit materıaldaryn jarııalaýdan bas tartady.
Úgit materıaldaryn jarııalaý aqysyn tóleý tártibi
100 paıyz aldyn ala tólem jasalǵan jaǵdaıda «Egemen Qazaqstan» jáne «Kazahstanskaıa pravda» gazetteriniń betterinde úgit materıaldaryn jarııalaýdyń quny gazet kóleminiń 1 sharshy santımetri úshin QQS qosqanda 1 400 (bir myń tórt júz) teńgeni, al www.egemen.kz saıtynda 2000 belgige deıin (aralyq jolymen), 4 fotoǵa deıin, QQS qosqanda 150 000 (júz elý myń) teńge jáne www.kazpravda.kz caıtynda 2500 tańbaǵa deıin, tapsyrys berýshiniń 2 fotosýretine deıin, QQS qosqanda 150 000 (júz elý myń) teńgeni quraıdy. Imıdjdik materıalyn jarııalaý úshin (Seriktestik jýrnalısi daıyndaǵan) ústemaqy mólsheri 10%.
Tólem Shartta kórsetilgen Redaksııanyń banktik esep aıyrysý shotyna aqshalaı qarajat aýdarý arqyly júzege asyrylady.
Jarnama jáne jazylym bólimi:
e-mail: egemen_adv@mail.ru, reklama@kazpravda.kz
Astana qalasyndaǵy telefondar: 8 (7172) 37-60-49, 37-64-48.