Almatynyń krımınaldyq polısııa qyzmetkerleri LA-155/18 mekemesinen qashyp ketken qylmyskerdi túnde ustady, dep habarlaıdy Egemen.kz Polisia.kz-ke silteme jasap.
– Krımınaldyq polısııa basqarmasy men Túriksib aýdandyq PB-na qarasty polısııa bóliminiń qyzmetkerlerimen júrgizilgen jedel-izdestirý is-sharalary barysynda Qarasý yqsham aýdanyndaǵy Soltústik aınalma kóshesi boıynda qashqyn ustaldy jáne ýaqytsha ustaý ızolıatoryna qamaldy. Qashý deregi sotqa deıingi tergeýdiń biryńǵaı tizilimine QR QK-niń 426-baby 1-bóligi boıynsha tirkeldi, – dedi Almaty qalasy Polısııa departamentiniń bastyǵy Arystanǵanı Zapparov.
Aıta keteıik, ol bıylǵy qyrkúıek aıynda Jambyl oblysynyń qylmystyq ister jónindegi mamandandyrylǵan aýdanaralyq sotynyń úkimimen adam óltirý deregi boıynsha 10 jylǵa sottalǵan. Qashý deregi boıynsha IIM О́zindik qaýipsizdik departamenti qyzmetkerlerge qatysty tekserý júrgizýde.