Úzdikter kóshine qosyla almady

Desek te Eldos óz salmaǵyn­daǵy elimizdiń taǵy bir tanymal dzıýdoshysy Maǵjan Sham­­­shadınge áli de jete al­ǵan joq. Maǵjan ótken aımen sa­lys­tyrǵanda úsh satyǵa tó­men­de­genimen, bul kúnderi ol 12 oryndy ıelenýde. Bul – otan­das­tarymyzdyń arasyndaǵy ázirge eń jaqsy kórsetkish! Osy sal­maqtaǵy Baýyrjan Narbaev 23 oryndy enshileýde. Desek te 60 kılo salmaqtaǵy naǵyz tartys áli alda. Sebebi úsh balýanymyz bir-birinen qatty uzap kete alǵan joq. Al Olımpııa oıyndaryna bir salmaqta bir ǵana dzıýdoshynyń óner kórsetetini belgili. Sol sebepti de aldaǵy reıtıngtik týr­nırlerde, álemdik jáne qur­lyq­tyq dodalarda Eldostan bólek, Maǵjan men Baýyrjan da baryn salatyndary anyq.

66 kılo salmaqtaǵy Ǵusman Qyrǵyzbaev álem chempıonatynyń ekinshi kezeńinde súringenimen, dúnıejúzilik reıtıngte tórt satyǵa joǵarylady. Búgingi tań­da ol 25 oryndy ıemdenýde. 73 kılo salmaqtaǵy jaǵdaı da dál solaı. Tashkenttegi jarys Danııar Shamshaev úshin sát­siz aıaqt­al­ǵanymen, jas daryn 39 orynnan 35 orynǵa kóterildi. Desek te otandyq dzıýdoshylarymyzdyń ara­synan bul salmaqtaǵy eń táýir nátıje Jansaı Smaǵulovqa tıesili. Saqa sportshy reıtıngte 14 oryndy ıelenýde.

О́kinshke qaraı, ózge tatamı sheberlerimizdiń kórsetkishine kóńil tolmaıdy. О́zge salmaqtaǵy eń myqty balýandardyń nátıjesi mynadaı: Abylaıhan Jubanazar (81 kılo) – 63 oryn, Ersultan Muzaparov (90 kılo) – 38 oryn, Dıdar Hamza (90 kılo) – 42 oryn, Nurlyhan Sharhan (100 kılo) – 46 oryn, Islam Bozbaev (100 kılo) – 48 oryn, Ádil Orazbaev (+100 kılo) – 40 oryn jáne Ǵalymjan Qyryqbaı (+100 kılo) – 46 oryn.

TOP-10 dzıýdoshy jaıynda aıtar bolsaq, bul rette Grý­zııanyń apaıtósteri áli de aldaryna jan salar emes. Bir keremeti, atalǵan eldiń órenderi barlyq salmaq dárejelerinde aldyńǵy lekten kórinýde. Máse­len, 90 kılo salmaqtyń ozyq on­dyǵy qatarynda úsh grýzın (Beka Gvınıashvılı – 4 oryn, Lýka Maısýradze – 5 oryn, Lasha Bekaýrı 7 oryn) enip otyr. 60 kılo (Lýhýmı Chhvımıanı – 7 oryn, Temýr Nosadze – 8 oryn), 73 kılo (Lasha Shavdatýashvılı – 2 oryn, Georgıı Terashvılı – 10 oryn), 100 kılo (Ilıa Sý­la­manıdze – 5 oryn, Varlam Lı­partelıanı – 10 oryn) jáne +100 kılo (Gýram Týshıshvılı – 2 oryn, Gela Zaalıshvılı – 6 oryn) salmaqtarda atalǵan memlekettiń qos sańlaǵy ıyq tiresip keledi. Al 66 kılo (Vaja Margvelashvılı – 2 oryn) jáne 81 kılo (Toto Grıgalashvılı – 1 oryn) salmaq dárejelerinde Grýzııanyń bir-birden ókilderi bar. Barlyǵy – 13 dzıýdoshy. Rasynda da, bul kór­setkishe tańdanbaý jáne tamsanbaý múmkin emes.

Kórshilerinen Ázerbaıjannyń ór minezdi jigitteri de qalyspaýǵa tyrysýda. Qap taýy bókterinde ornalasqan bul memlekettiń jeti tatamı sheberi TOP-10-dyq­­­tyń sanatynda. Úshinshi orynda – Japonııa. Kún shyǵys eliniń alty óreni dál sondaı qur­metke bólenýde. Sondaı-aq ozyq ondyqtyń qatarynda myna memleketterdiń de ókilderi bar: Reseı – 5, Belgııa, Mońǵolııa, О́zbekstan – 4, Ońtústik Koreıa, Izraıl, Brazılııa, Nıderland – 3, Italııa, Kýba, Ispanııa – 2, Taıpeı, Moldova, Ýkraına, Aýstrııa, Túrkııa, Majarstan, Portýgalııa, Kanada jáne Tájikstan – 1 bal­ýannan. О́kinshke qaraı, qazirgi kezde sol sańlaqtardyń sanatyna Qazaqstannyń birde-bir dzıýdoshysy ene almaı otyr.

Álemdik reıtıngtiń úzdikteri

(TOP-5)

60 kılo: 1. Iаng Iýn Veı (Taı­peı), 2. Naohıso Takato (Ja­ponııa), 3. Rıýdzıý Nagaıama (Ja­ponııa), 4. Iorre Ferstreten (Bel­gııa) jáne 5. Enhtaıvanı Arıýnbold (Mońǵolııa).

66 kılo: 1. Denıs Vıerý (Mol­dova), 2. Hıfýmı Abe (Ja­ponııa), 3. Endonperenleı Bashý (Mońǵolııa), 4. An Baýl (Ońtústik Koreıa) jáne 5. Vaja Margve­lashvılı (Grýzııa).

73 kılo: 1. Send-Ochıryn Sogtbaatar (Mońǵolııa), 2. Lasha Shavdatýashvılı (Grýzııa), 3. Hıdaıat Geıdarov (Ázerbaıjan), 4. Tohar Býtbýl (Izraıl) jáne 5. Soıshı Hashımoto (Japonııa).

81 kılo: 1. Toto Grıgalashvılı (Grýzııa), 2. Mattıas Kasse (Bel­gııa), 3. Vedat Albaırak (Túr­kııa), 4. Gılerme Shmıdt (Brazılııa) jáne 5. Saeıd Mallaeı (Ázerbaıjan).

90 kılo: 1. Davlat Bobonov (О́zbekstan), 2. Mammadalı Meh­dıev (Ázerbaıjan), 3. Ivan Fılıppe Sılva Morales (Kýba), 4. Beka Gvınıashvılı (Grýzııa) jáne Lýka Maısýradze (Grýzııa).

100 kılo: 1. Jorj Fonseka (Portýgalııa), 2. Maıkl Korrel (Nıderland), 3. Shadı Elnahas (Kanada), 4. Toma Nıkıfrov (Bra­zılııa) jáne 5. Ilıa Sýla­manıdze (Grýzııa).

+100 kılo: 1. Temýr Rahımov (Tájikstan), 2. Gýram Týshıshvılı (Grýzııa), 3. Endı Granda (Kýba), 4. Odhýý Sesensengel (Moń­ǵolııa) jáne 5. Rafael Sılva (Brazılııa).

Áıelder dzıýdosy jaıynda áńgimeleıtin bolsaq, kezinde Otgonseseg Galbadrahtyń salyp ketken sara jolyn Ábıba Ábýjaqynova maqtanarlyqtaı jalǵastyrýda. Bıyl ol eki bir­deı baıraqty básekede ta­bys­ty óner kórsetti. Atap aıt­saq, Nur-Sultandaǵy Azııa birin­shiliginde kúmis alsa, Tash­kent­tegi álem chempıonatynda qola medaldi moınynda jar­qyrat­ty. Sonyń arqasynda Ábı­ba IJF reıtınginde 17 orynǵa jaı­­ǵasty. Bul – qazaqstandyq bu­rymdylar arasyndaǵy eń úz­dik kórsetkish. О́zge salmaq dáre­je­sindegi elimizdiń eń myqty ba­lýan­darynyń nátıjeleri myna­daı: Gaýhar Irmaǵambetova (52 kılo) – 58 oryn, Sevara Ny­shanbaeva (57 kılo) – 37 oryn, Móldir Narynova (63 kılo) – 64 oryn, Anastasııa Maıakova (70 kılo) – 81 oryn, Arýna Jan­kel­dına (78 kılo) – 38 oryn jáne Ka­mıla Berliqash (+78 kılo) – 19 oryn. О́zderińiz baıqap otyr­ǵandaı, jerlesterimizdiń arasynan tek Ábýjaqynova men Ber­lik­qashtyń ǵana nátıjeleri kó­ńil kónshiterlik. Al basqa qyzda­rymyzdyń qarqyny tym baıaý.

Burymdylar arasynda Fran­sııanyń eki ókili álemdik reıtıngte kósh bastap tur. Olar – Amandı Býshar (52 kılo) men Romana Dıkko (+78 kılo). Sondaı qurmetke kanadalyq Djessıka Klımkaıt (57 kılo) pen Katerın Boshemen-Pınar (63 kılo) da bólenýde. Al basqa salmaqtarda japonııalyq Nasýmı Sýnoda (48 kılo), horvatııalyq Bar­bara Matıch (70 kılo) jáne brazı­lııa­lyq Maıra Agııar (78 kılo) aldaryna jan salmaq emes.