Jýyrda Úkimet «Turǵyn úı-kommýnaldyq sharýashylyǵyn jańǵyrtýdyń 2011-2020 jyldarǵa arnalǵan baǵdarlamasyna ózgerister men tolyqtyrýlar engizý týraly» qaýly qabyldady. Qaýly atalmysh baǵdarlamanyń tıimdiligin arttyrýǵa jáne halyqtyń qatysý múmkindikterin jeńildetýge, iske asý tetikterin jetildirýge baǵyttalǵan.
Endi, azamattar turyp jatqan turǵyn úılerine kúrdeli jóndeý jumystaryn júrgizý kezinde jumystardyń eń az nemese eń kóp paketin ózderi tańdaı alatyn boldy. Jumystardyń eń az túrine turǵyn úıdiń shatyryn, kireberisin, jertólesin jóndeý (jylylaý) kirse, eń kóp túrine turǵyn úıdiń shatyryn, kireberisin, jertólesin, qasbetin jóndeý (jylylaý), bar bolsa lıftisin jóndeý jatady.
Halyqtyń qatysý múmkindikterin jeńildetýdiń negizgi tetikteriniń biri retinde úı-jaı (páter) ıeleriniń 3%, 5% jáne 7% mólsherinde belgilengen aldyn ala salymy alynyp tastaldy. Bul shara jańǵyrtý baǵdarlamasy iske asyrý kezinde kóptegen turǵyndarǵa alǵashqy tólemdi qysqa ýaqyt ishinde jınaý qıyndyq týdyryp, baǵdarlamaǵa qatysý múmkindiginen aıyrylatyndyqtan qabyldanyp otyr. Bul ózgerister bıyl turǵyn úılerge jóndeý jumystaryn júrgizý boıynsha kelip túsetin ótinimderge yqpal etpek. Baǵdarlamanyń jańa nusqasynda kópqabatty turǵyn úılerdiń jóndelýi biryńǵaı tetik boıynsha iske asyrylatyn bolady. Jóndeý quzyretine ıe ókiletti uıymdar jóndeý jumystaryn óz betinshe nemese qosalqy merdiger uıymdar tartýmen júrgize alady. Qosalqy merdiger uıymdy tańdaý boıynsha konkýrstyq rásimder de alynyp tastaldy, qosalqy merdiger uıymdardy tańdaý turǵyndar quzyryna berildi.
Ǵımaratty termojańǵyrtý boıynsha jumystar keshenine de mindetti sharttarǵa ózgerister engizildi. Endi úıge jylý tutynýdy retteıtin avtomattandyrylǵan júıeler men jylý esepteýdiń ortaq aspaptaryn ornatý kózdelýde. AJT ornatý jylý energııasyn ortaq jylý tutynýdan 30%-ǵa deıin únemdeýge, jylý pýnktterindegi tozǵan jabdyqtardy aýystyrýǵa, turaqty temperatýralyq rejimdi qoldaý esebinen úı-jaılardaǵy qolaılylyqty arttyrýǵa, ystyq sýdyń turaqty temperatýrasyn qoldaý esebinen ystyq sýmen jabdyqtaý qyzmetteriniń sapasyn arttyrýǵa múmkindik beredi. Úılerge jylý esepteýdiń ortaq aspaptaryn ornatý turǵyn úıge kirgen jylý mólsherin anyqtaýǵa, tutyný kólemin, jylytý sapasynyń parametrlerin baqylap otyrýǵa múmkindik beredi. Bul energııany tutynýdyń asa tıimdi deńgeıine qol jetkizýge, ony avtomattandyrýǵa jáne únemdeýge baǵyttalǵan shara.
Sonymen qatar, baǵdarlamada jylýmen jabdyqtaý sektoryn reformalaý jáne damytý kózdelgen. Onda «100Gkal/saǵatqa deıingi qazandyqtardy paıdalanýdyń sektoryn reformalaý jáne damytýdyń» jańa bólimi qazandyqtardy 100Gkal/saǵatqa deıingi qýattylyqpen reformalaý men jańǵyrtý máselelerin qozǵaıdy, dep habarlaıdy О́ńirlik damý mınıstrliginiń baspasóz qyzmeti.
Venera TÚGELBAI,
«Egemen Qazaqstan».