El astanasynda abaıtaný salasyndaǵy tyń jańalyq – «The Wisdom of the Great Steppe – Abai Kunanbaiuly» jáne «Abaı Qunanbaıuly: sıpattamaly bıblıografııalyq kórsetkish» atty qos birdeı ǵylymı eńbek tanystyryldy. Jańa jınaqtyń tusaýkeser rásimin Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń Eýrazııa ǵylymı-zertteý ınstıtýty, Ulttyq akademııalyq kitaphana jáne L.N.Gýmılev atyndaǵy Eýrazııa ulttyq ýnıversıtetiniń «Abaı akademııasy» birlese uıymdastyryp otyr.
Eske salsaq, «The Wisdom of the Great Steppe – Abai Kunanbaiuly» ujymdyq monografııasy aǵylshyn tilinde Ankara qalasynda jaryq kórgen edi. Kitapta otandyq jáne sheteldik ǵalymdardyń aqynnyń zamany, týyp-ósken ortasy men ómiri, ult zııalylaryna yqpaly, ádebı murasy men mektebi, shyǵarmalarynyń qoljazbasy men tildik erekshelikteri, dinı kózqarasy men tarıhı dúnıetanymy, fılosofııasy, ózge de ózekti máseleler qamtylǵan.
«Abaı – Qazaqstannyń ǵana emes, túbi bir túrki dúnıesine, tipti búkil álemge ortaq rýhanı tulǵalardyń biri. Sebebi Abaıdyń ilimi, Abaıdyń shyǵarmashylyǵy – jalpy túrik halqyna ortaq rýhanı, ádebı, mádenı qundylyqtardyń dástúrli jalǵasy. Sondyqtan meıli Túrkııada bolsyn, basqa da túrki memleketterinde ótken abaıtanýǵa baılanysty is-sharalarǵa erekshe kóńil bólip kelemiz», deıdi Qazaqstan Respýblıkasyndaǵy Túrkııanyń Tótenshe jáne ókiletti elshisi Ýfýk Ekidji.
Atalǵan kitaptar Qoja Ahmet Iаsaýı atyndaǵy Halyqaralyq qazaq-túrik ýnıversıteti Eýrazııa ǵylymı-zertteý ınstıtýtynyń jobasy aıasynda oryndalǵan. Joba jetekshisi – Sýat Beılur. Kitapty qurastyrǵandar: Aınur Ahmetova, Sýat Beılur, Dáýlet Jaılybaı, Almas Júnisbaev, О́mirbek Qanaı, Danagúl Mahat. «Abaı Qunanbaıuly, sıpattamaly bıblıografııalyq kórsetkishtiń» I tomynda Abaı Qunanbaıulynyń Qazaqstan men shetelderde jaryq kórgen shyǵarmalary men abaıtaný salasyndaǵy ǵylymı eńbekterge qysqasha túsinikteme berilgen. Aqynnyń 1909-2020 jyldar aralyǵynda jaryq kórgen shyǵarmalarynyń otandyq jáne sheteldik barlyq basylymdaryna, abaıtaný salasyndaǵy otandyq jáne sheteldik kitap, monografııa, oqýlyq, oqý-ádistemelik qural, bıblıografııalyq materıaldar, kandıdattyq, doktorlyq, PhD dıssertasııalarǵa qysqasha sıpattama berilgen. Bıblıografııalyq kórsetkishtiń II tomynda M.Áýezovtiń «Abaı joly» roman-epopeıasynyń birneshe tildegi basylymdary, Abaıdyń ádebı murasy men abaıtaný salasy boıynsha jazylǵan kitap taraýlary Abaıǵa arnalǵan konferensııa materıaldarynyń jınaqtaryndaǵy ǵylymı baıandamalar, merzimdi baspasózde jarııalanǵan maqalalar berilgen. Al jalpy alǵanda uzyn sany 12 myńnan astam derek engizilgen.
Sondaı-aq jańa eńbekte abaıtanýǵa qatysty zertteýlerdi qazaq tilinde, ózge tilde jáne aralas tilde dep kórsetken. Abaıtaný boıynsha ár tildegi zertteýlerdi, eń aldymen túpnusqa tilde kórsetken. Iаǵnı Abaıdy zerttegen ár eldiń túrli qarpimen (mysaly, arab, aǵylshyn, ýrdý, grýzın, t.b.) jazylǵan eńbekterdi zertteýshiler yjdaǵattylyqpen terip, tekserip, kitapqa engizgeni kórinip-aq tur.
Tanystyrylymǵa astanalyq zııaly qaýym, ádebıetshi-ǵalymdar men sheteldik dıplomatııa ókilderi, joǵary oqý oryndary men ǵylymı mekemelerdiń basshylary, BAQ ókilderi qatysty.