VII Astana ekonomıkalyq forýmy aıasynda «Memlekettik qyzmet personalyn basqarý: ahýaly men bolashaǵy» atty jahandyq konferensııa ótti. Ony Memlekettik qyzmet isteri agenttigi, Qazaqstan Prezıdenti janyndaǵy Memlekettik basqarý akademııasy men BUU Damý baǵdarlamasy, Eýropa odaǵy «Qazaqstan úkimeti memlekettik qyzmeti reformasy jáne modernızasııasy» jobasy uıymdastyrdy. Jıynǵa kelgen halyqaralyq sarapshylar qazaqstandyq memlekettik qyzmet modelin joǵary baǵalady.
Aýrelııa BÝShEZ,
Eýropa odaǵynyń Qazaqstandaǵy ókildik basshysy:
– Qazaqstanda memlekettik qyzmettiń jańa modeli qoldanylýda. Bul negizgi úsh qaǵıdatqa súıenedi: qoǵam aldynda esep berý, ashyqtyq jáne merıtokratııa. Osy baǵytta Qazaqstanda kúrdeli jumystar atqarylyp, jetistikterge qol jetkizildi. Máselen, memlekettik qyzmet boıynsha aımaqtyq habtyń qurylǵanyn atap ótýge bolady. Qazaqstannyń aımaqtaǵy basqa memleketterge kórsetip otyrǵan úlgisi qundy. Bul ózge elderdiń memlekettik qyzmet salasyn jańǵyrtýǵa serpin beredi. Árıne, Eýropa odaǵy Qazaqstannyń memlekettik qyzmet salasyn modernızasııalaý boıynsha jetistikterin tolyq moıyndaı otyryp, ári qaraı oǵan qoldaý bildiredi.
Chester NIýLAND,
AQSh Memlekettik qyzmet personaldy basqarý ofısi janyndaǵy basqarýshylardyń biliktiligin arttyrý federaldy ınstıtýtynyń burynǵy dırektory, Ońtústik Kalıfornııa ýnıversıtetiniń professory:
– Qazirgi tańda Qazaqstannyń memlekettik qyzmet júıesi álemdegi, onyń ishinde AQSh-ty qosa alǵanda, eń ozyq úlgilerdiń biri. Saıası laýazymdaǵylar sany qysqartylyp, ákimshilik memlekettik qyzmetkerler sany arttyrylyp otyr. 70-shi jyldary AQSh saıası qyzmetshiler sanyn kóbeıtý jolyn ustanǵan bolatyn. Al bul máselede amerıkalyq úkimet belgili bir deńgeıde olqylyq jiberdi. Bizge, kerisinshe, sizderdiń memlekettik qyzmet júıesindegideı baǵytta jumys jasaý kerek edi.
Manvel BADALIаN,
Armenııa Respýblıkasy Azamattyq qyzmet keńesi tóraǵasy:
– Armenııanyń memlekettik qyzmet salasy Qazaqstannyń tájirıbesi men kómeginiń arqasynda jetile túspek. Áli biz qol jetkize qoımaǵan máseleler qyzyqtyryp otyr. Mysaly, Qazaqstan memlekettik qyzmetkerlerdi saralap, «A» korpýsy sııaqty memlekettik qyzmet deńgeılerin anyqtady. Biz memlekettik qyzmet salasyn jetildirý úshin kóptegen elderdiń tájirıbesimen tanystyq. Sonyń ishinde Qazaqstannyń úlgisi bizge óte jaqyn kórindi. Sondyqtan, jańadan «velosıped» oılap tappaı-aq, qazaq úlgisin alýdy jón kórdik.
Stefan HLAVAChEK,
Avstrııanyń Saýda palatasy ekonomıkalyq damý ınstıtýtynyń eks-dırektory, basqarý jáne uıymdastyrýdy damytý máseleleri boıynsha bas sarapshy:
– Ásirese, memlekettik qyzmet boıynsha Astana aımaqtyq hab týraly ıdeıa óte jaqsy! О́ıtkeni, memlekettik qyzmetti reformalaý barysynda aqparat taratý, tájirıbe bólisý óte mańyzdy. Memlekettik qyzmetkerler arasynda kóbirek aqparat almasyp, únemi biliktilikterin arttyryp otyrý qajet. Al sol bilimderdi, aqparattardy bir jerden taratatyn ortalyqtyń bolýy óte qyzyqty!
Jazyp alǵan
Sáýlebek BIRJAN.