Sot «Almaty Spestehparkıng Servıs» JShS-niń burynǵy dırektory Marat Pirinbekov pen «AlanParking» JShS burynǵy bas dırektory Muhtar Bazarbaevty qamaýda ustaý merzimin uzartty, dep habarlaıdy Egemen.kz.
«Almaty qalasynyń mamandandyrylǵan aýdanaralyq tergeý sotynyń 2022 jylǵy 14 qazandaǵy qaýlysymen sot sheshimi Pirinbekovty qamaýda ustaý merzimin 15 qarashaǵa deıin jeti aıǵa uzartý týraly sanksııa ótinishi qabyldandy», delingen vedomstvo habarlamasynda.
Sondaı-aq 2022 jylǵy 23 qyrkúıekte qalalyq mamandandyrylǵan aýdanaralyq tergeý soty tergeý organdary Bazarbaevty qamaýda ustaý merzimin jeti aıǵa, ıaǵnı 26 qazanǵa deıin uzartý týraly sanksııa ótinishin qanaǵattandyrdy.
Osy jyldyń sáýir aıynda «Almaty Spestehparkıng Servıs» JShS-niń burynǵy dırektory Marat Pirinbekov pen «AlanParking» JShS-niń burynǵy basshysy Muhtar Bazarbaev eki aıǵa qamaýǵa alyndy. Sodan keıin olardyń qamaý merzimi uzartyldy.