Pavlodarda balalarǵa dórekilik tanytqan balabaqsha tárbıeshisi jumystan shyǵaryldy, dep habarlaıdy Egemen.kz.
13 qazan kúni Pavlodar qalasyndaǵy №52 arnaıy balabaqshanyń ákimshiligine 5 jasar balanyń anasy tárbıeshiniń tárbıelenýshige degen dóreki qarym-qatynasy týraly shaǵym túsirgen.
- Balanyń anasy sábıdiń keýdesinde jáne arqasynda tyrnaq izderi bar fotosýretterdi usyndy. Beınekameradan túsirilgen jazbalardy qaraý kezinde muǵalimniń balalarǵa shynymen dórekilik tanytqany anyqtaldy, - dedi oblystyq bilim berý basqarmasyndaǵylar.Jergilikti Pavlodarnews.kz saıtynda tergeý aıaqtalǵanǵa deıin tárbıeshiniń jumystan shettetilgeni habarlandy.
«13 qazan kúni «Baldyrǵan» tobynyń ata-anasy baqylaý kameralaryn qarap otyrǵanda baǵdarlama isten shyqqan, ıaǵnı, basqa kúnderdegi jazbalardy kórý múmkin bolmaǵan. Beınebaqylaý júıesine qyzmet kórsetetin uıym 15-16 qazan aralyǵynda aqaýlardy joıdy. Bul oryndalǵan jumys aktilerimen rastalady. Másele basqarma men bilim bóliminiń baqylaýyna alynǵan. Qosymsha túsiniktemeler ákimshilik is aıaqtalǵan soń beriledi», delingen habarlamada.Aıta keteıik, osy oqıǵaǵa baılanysty balabaqsha meńgerýshisiniń mindetin atqarýshyǵa eskertý túrindegi tártiptik shara qoldanylǵan.