Álıhan Smaıylov QR Prezıdenti janyndaǵy Sheteldik ınvestorlar keńesiniń aralyq otyrysyn ótkizdi, dep habarlaıdy Egemen.kz Úkimettiń Telegram arnasyna silteme jasap.
Búginde elimizde qazaqstandyq jáne sheteldik ınvestorlarǵa preferensııalar alý úshin teń jaǵdaılar jasalǵan. Oǵan qosa, iskerlik ahýaldy odan ári jaqsartý úshin Úkimet 2026 jylǵa deıingi ınvestısııalyq saıasattyń jańa tujyrymdamasyn qabyldady, ol qosylǵan quny joǵary taýarlar óndirisiniń artýyn yntalandyrady.
Fıskaldyq retteýdi qaıta qaraý, memlekettik qarjyny basqarýdyń tıimdiligin arttyrý, ekonomıkany dekarbonızasııalaý jáne sıfrlyq transformasııalaý jumystary jalǵasady. Otyrysqa qatysýshylar Keńestiń birlesken turaqty jumys toptarynyń qyzmeti týraly eseppen tanysty.
Sondaı-aq Premer-Mınıstr ınvestorlar aıtqan barlyq usynystar men máseleler pysyqtalatynyn atap ótti.