Sońǵy bes jyl ishinde elder arasyndaǵy taýar aınalymynyń turaqty ósýi baıqalady. Máselen, 2022 jyldyń birinshi jartysynda aınalym 2,6 mlrd dollardy qurady. Bul 2021 jyldyń sáıkes kezeńindegi kórsetkishten 27,13%-ǵa joǵary. Sonyń ishinde eksport kólemi 30,9%-ǵa, al ımport 17,4%-ǵa ósti.
Eki el arasyndaǵy yntymaqtastyq jyl ótken saıyn nyǵaıyp keledi. Elder arasynda týyndaıtyn pratıkalyq máselelerdi jedel sheshý jáne ekijaqty qatynastardy jandandyrý úshin halyqaralyq jáne úkimetaralyq alańdar quryldy. Máselen, 2017 jyldan bastap osy maqsatta Qazaqstan-О́zbekstan iskerlik keńesi quryldy. Onda Qazaqstan tarapynan «Atameken» UKP basshysy teń tóraǵa bolyp sanalady.
«Iskerlik keńes aıasynda biz barlyq máseleni tikeleı pysyqtaı alamyz. Osy máselelerdi sheshý iskerlik yntymaqtastyqtyń qarqynyn arttyrýǵa yqpal etedi», dep atap ótti «Atameken» UKP Tóralqa tóraǵasy Raıymbek Batalov.
Basty máseleler – tranzıt tasymaly kezindegi mólsherleme, sertıfıkattardy ózara taný, maqta shıkizaty, jip pen mataǵa baǵa, sonymen qatar eńbek kúshiniń kóshi-qon máselesi. Osy jáne basqa da kóptegen másele Qazaqstan-О́zbekstan Iskerlik keńesiniń kún tártibinde tur.
Qazaqstan О́zbekstanmen syrtqy saýda seriktestik boıynsha úshinshi (QHR jáne RF-dan keıin) orynda. Taýar aınalymyndaǵy úles salmaǵy – 8,9%. Syrtqy saýda palatasynyń málimetinshe, О́zbekstanǵa Qazaqstannan negizinen munaı jáne munaı ónimderi, bıdaı, un, kúnbaǵys tuqymy, qara jáne tústi metall, beıorganıkalyq hımııa ónimderi jáne azyq-túlik taýarlary eksporttalady.
О́zbekstannan Qazaqstanǵa energotasymaldaýysh quraldar, avtomashınalar, maqta talshyǵy, hımııalyq ónimder men plastmassa, tyńaıtqyshtar men azyq-túlik ónimderi keledi.