Almatyda Radıoelektronıka jáne baılanys áskerı-ınjenerlik ınstıtýtynyń oqý-jattyǵý ortalyǵynda áskerı mindettilerdiń oqý-jattyǵý jıyny aıaqtaldy.
Sabaqtardy áskerı bilim ordalarynyń oqytýshylary men tájirıbeli nusqaýshylary ótkizdi. Bir aılyq daıyndyq barysynda zapastaǵy ofıserler zamanaýı baılanys quraldarymen jumys istep, bólimshelerdi basqarý negizderinen bilimin jáne qarýdy meńgerýdiń praktıkalyq daǵdysyn jetildirdi.
– Jıynǵa shaqyrylǵandar ózderin oń qyrynan kórsetti. Sondaı-aq olardyń oqý-jaýyngerlik mindetterdi oryndaýǵa daıyn ekenin atap ótkim keledi, – dedi Radıoelektronıka jáne baılanys áskerı-ınjenerlik ınstıtýtynyń ókili polkovnık Aıdyn Chýnetov.
Jıynǵa qatysýshy Almaty oblysynan shaqyrylǵan zapastaǵy leıtenant Nursultan Bekbosynuly kásipkerlikpen aınalysady. Shaqyrtý qaǵazyn alǵan soń ol belgilengen merzimde jınaý pýnktine kelip, oqýdan ótti.
– Sabaq joǵary kásibı deńgeıde ótti. О́zime qajetti teorııalyq jáne praktıkalyq paıdaly tájirıbe aldym, – dep atap ótti Nursultan Bekbosynuly.
Áskerı mindettiler oqý baǵdarlamasyn meńgergenin emtıhandar men synaqtar tapsyryp rastady. Odan ózge zapastaǵy ofıserlerge kezekti áskerı ataqtar da berildi.