Armenııanyń bas shahary – Erevanda sambodan jasóspirimder, jastar jáne kadetter arasynda alǵash ret uıymdastyrylǵan álem chempıonaty aıaqtaldy. Baıraqty básekede álemniń 23 elinen eń tańdaýly sportshylar óner kórsetti.
Sportty damytý dıreksııasynyń málimeti boıynsha, kadetter (2006-2008 j.t) úsh kún boıy 9 salmaqta, jastar (2004-2006 j.t) 8 salmaqta, jasóspirimder (2002-2004 j.t) 7 salmaqta synǵa tústi. Jarys qorytyndysy boıynsha, jerlesterimiz jalpy sany – 42 medal (5 altyn, 14 kúmis jáne 24 qola) oljalap, komandalyq esepte mereıli ekinshi orynǵa ıe boldy. Halyqaralyq sambo federasııasynyń týy astynda óner kórsetken Reseı quramasy 51 júldemen (39 altyn, 7 kúmis, 5 qola) top jarsa, úshtikti О́zbekstan (3 altyn, 7 kúmis, 7 qola) túıindedi.
Aıta keteıik, bıyl sambodan eresekter arasyndaǵy álem chempıonaty 11-13 qarasha kúnderi Bishkekte ótedi. Onda 21 salmaqta (erler 7, áıelder 7, erler jaýyngerlik sambodan 7) jeńimpaz anyqtalady.